கொக்ககோலா போத்தலை அகற்றிய ரொனால்டோ. 4 மில்லியன் டொலர் சரிவு
பிரசுரிக்கபட்ட திகதி: 16/06/2021 (புதன்கிழமை)
யூரோ 2020 கால்பந்து தொடர் ஐரோப்பிய நாடுகளில் நடைபெற்று வருகிறது. இதில் பல்வேறு நாடுகள் பங்கேற்றுள்ளன. இந்நிலையில், யூரோ கால்பந்து தொடரின் போர்த்துக்கல் போட்டியின் முதல் ஆட்டத்திற்கு முன்னதாக பத்திரிக்கையாளர் சந்திப்பு நேற்று நடைபெற்றது. இந்த ஊடக சந்திப்பில் போர்த்துக்கல் அணியின் நட்சத்திர வீரர் கிறிஸ்டியானோ ரொனால்டோ பங்கேற்றார்.
ஊடக சந்திப்பிற்கு வந்த உடன் தனக்கான இருக்கையில் அமர்ந்த ரொனால்டோ தன் முன்னாள் இருந்த மேசையில் வைக்கப்பட்டிருந்த இரண்டு கொக்க கோலா குளிர்பான போத்தல்களை பார்த்தார்.
உடனடியாக அந்த இரண்டு கொக்க கோலா போத்தல்களையும் எடுத்த ரொனால்டோ அதை மேசையை விட்டு அகற்றி கீழே வைத்தார். மேலும், தனக்கு அருகில் இருந்த தண்ணீர் போத்தலை எடுத்து ’தண்ணீர் குடியுங்கள்’ என்று கூறினார்.
இந்த நிகழ்வு உலக அளவில் பேசுபொருளாகியுள்ளது. கொக்க கோலா குளிர்பானத்தை அகற்றிவிட்டு ‘தண்ணீர் குடியுங்கள்’ என கிறிஸ்டியானோ ரொனால்டோ அறிவுறுத்திய சில நிமிடங்களில் கொக்க கோலாவின் சந்தை மதிப்பு பெரும் சரிவை சந்தித்தது.
ரொனால்டோவின் ஒற்றை வார்த்தையால் கோக்க கோலா நிறுவனம் சுமார் 4 மில்லியன் அமெரிக்க டொலர்கள் அளவிற்கு இழப்பை சந்தித்துள்ளது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.