றெயின்போ உதைபந்து - சைனிங்ஸ், ரேவடி அரையிறுதிக்கு தகுதி
பிரசுரிக்கபட்ட திகதி: 12/01/2017 (வியாழக்கிழமை)
வல்வை றெயின்போ விளையாட்டுக் கழகம் நடாத்தும் வல்வைக்குட்பட்ட கழகங்களிடையேயான 9 நபர் கொண்ட உதைபந்தாட்ட தொடர் நேற்று வல்வை றெயின்போ விளையாட்டுக் கழக மைதானத்தில் இடம்பெற்றது.
நேற்றைய முதலாவது போட்டியில் சைனிங்ஸ் அணியை எதிர்த்து நேதாஜி அணி மோதியது.மிகவும் சிறப்பான ஆட்டத்தை வெளிப்படுத்திய சைனிங்ஸ் அணி, முதல் பாதியாட்டத்தில் குமரன், துளசிராமின் கோல்களுடன் 2:0 என முன்னிலை பெற்றது.
விறுவிறுப்பாக நடைபெற்ற இரண்டாவது பாதியாட்டத்தில் அஜித்தன் ஒரு கோலினைப் பெற, சைனிங்ஸ் அணி 3:0 என்ற முறையில் வெற்றி பெற்றது.
இரண்டாவது ஆட்டத்தில் ரேவடி அணி தீருவில் அணியுடன் மோதியது.மிகவும் சிறப்பான ஆட்டத்தை வெளிப்படுத்திய இரு அணிகளும் தலா 1 கோல்களை பெற, ஆட்டம் 1:1 என சமனிலையில் முடிவுற்றது.
சமனிலை தவிர்ப்பு உதையில் ரேவடி அணி வெற்றி பெற்று அரையிறுதியில் இளங்கதிர் அணியுடன் மோதவுள்ளது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
