வல்வை வி.கழக உதைப்பந்தாட்டம் - சைனிங்ஸ் அணி வெற்றி
பிரசுரிக்கபட்ட திகதி: 27/05/2019 (திங்கட்கிழமை)
வல்வை விளையாட்டுக் கழகம் நடாத்திய வல்வைக்குட்பட்ட கழகங்களுக்கிடையிலான 9 நபர் கொண்ட உதைபந்தாட்ட தொடரின் இறுதிப் போட்டிகள் நேற்று தீருவில் இளைஞர் விளையாட்டுக்கழக மைதானத்தில் நடைபெற்றது.
இவ் இறுதிப்போட்டியில் சைனிங்ஸ் அணியை எதிர்த்து றெயின்போ அணி மோதியது. ஆட்டத்தில் இரு அணிகளும் கோல்கள் எதனையும் பெறாத காரணத்தால் நடுவர்களினால் தண்ட உதை வழங்கப்பட்டது. தண்ட உதையில் சைனிங்ஸ் அணி 4 : 3 எனும் கோல் கணக்கில் வெற்றி பெற்று சம்பியன் கிண்ணத்தை கைப்பற்றியது.
இத் தொடர் சுற்றுப்போட்டியின்
இறுதிப்போட்டி ஆட்டநாயகன் - செந்தூரன் (சைனிங்ஸ்)
தொடரின் சிறந்த விளையாட்டுக் வீரன் - பிரசாந் (சைனிங்ஸ்)
தொடரின் சிறந்த கோல்காப்பாளர் - அபிநயன் (சைனிங்ஸ்)
தொடரின் சிறந்த பின்கள வீரன் -பிரகாஷ் (றெயின்போ)
மேலும் நேற்றைய நிகழ்வில் 2019 ம் பிரதேச செயலக மட்ட விளையாட்டு விழாவில் வல்வை அணி 2ம் இடத்தினை பெற்றிருந்தமை குறிப்பிடத்தக்கது. இவ் விளையாட்டு விழாவில் பங்குபற்றி வெற்றிகளை பெற்ற வல்வை அணியைச் சேர்த்த வீராங்கனைகள் மற்றும் பயிற்றுவிப்பாளர்களுக்கான கெளரவிப்பும் இடம்பெற்றது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
