உடுப்பிட்டி நவஜீவன் தண்டஉதையில் வெற்றி, பலாலி விண்மீன் கம்பர்மலை யங்கம்பன்ஸ் உடனான கடும் போட்டியில் 1:0 இல் வெற்றி (மேலதிக படங்கள் இணைப்பு)
பிரசுரிக்கபட்ட திகதி: 07/03/2014 (வெள்ளிக்கிழமை)
இதுவரை வல்வை விளையாட்டுக் கழகத்தினால் பருத்தித்துறை லீக்கிற்குள் பதிவு செய்யப்பட்ட கழகங்களுக்கிடையில் நடாத்தப்பட்டுவந்த இந்த வருடத்துக்கான உதைபந்தாட்டப் போட்டியின் அரை இறுதி ஆட்டங்கள் இன்று பெரும் எதிர்பார்புகளிற்கு மத்தியில் இடம் பெற்றன.
முதலாவது ஆட்டம் - உடுப்பிட்டி நவஜீவன்ஸ் வெற்றி
பிற்பகல் சுமார் 4 மணியளவில் நடைபெற்ற முதலாவது ஆட்டத்தில் வதிரி பொம்மர்ஸ் விளையாட்டுக் கழகத்தை எதிர்த்து உடுப்பிட்டி நவஜீவன்ஸ் விளையாட்டுக்கழகம் மோதியது. ஆட்ட முடிவில் இரு அணிகளும் தலா இரு கோல்களைப் பெற்ற நிலையில்,ஆட்ட முடிவை நிர்ணயிப்பதற்காக தண்ட உதை வழங்கப்பட்டிருந்தது. தண்ட உதையில் உடுப்பிட்டி நவஜீவன்ஸ் 5 : 4 என்ற கோல் கணக்கில் வெற்றிபெற்றது
இரண்டாவது ஆட்டம் -பலாலி விண்மீன் விண்மீன் வெற்றி
இரண்டாவது ஆட்டத்தில் கம்பர்மலை யங்கம்பன்ஸ் விளையாட்டுக்கழகத்தை எதிர்த்து பலாலி விண்மீன் விளையாட்டுக் கழகமும் மோதியது. ஆட்டத்தின் முதல் பாதியில் 1 கோலினை பெற்று பலாலி விண்மீன் ஆட்டத்தில் முன்னிலையில் வகித்து, ஆட்டத்தின் பிற்பாதியிலும் பல கோல்களைப் பெற முயற்சித்த போதும், கம்பர்மலை யங்கமன்ஸ் விளையாட்டுக் கழகத்தின் திறமையான கோல் காப்பாளாரின் திறமையான தடுப்பினால் மேலதிக கோல்கள் எதனையும் பெற முடியவில்லை.
இதனைத் தொடர்ந்து 1:0 என்ற கோல் கணக்கில் பலாலி விண்மீன் வெற்றி பெற்றுள்ளது
இறுதிப் போட்டிகள் எதிர்வரும் திங்கட்கிழமை நடைபெறவுள்ளது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
