பருத்தித்துறை உதைபந்தாட்ட லீக்கின் அனுமதியுடன் WELWISH MEDICAL CENTER அனுசரணையுடன் வல்வை விளையாட்டுக் கழகம் நடாத்தும் அழைக்கப்பட்ட கழகங்களுக்கிடையேயான விலகல் முறையிலான 7 நபர் கொண்ட உதைபந்தாட்ட சுற்றுப் போட்டியின் இறுதியாட்டமும் பரிசழிப்பு நிகழ்வும் நாளை (திங்கட்கிழமை ) ரெயின்போ விளையாட்டுக் கழக மைதானத்தில் மாலை 3.30 மணியளவில் நடைபெறவுள்ளது.
வல்வை விளையாட்டுக் கழக தலைவர் K.முரளி தலைமையில் நடைபெறவுள்ள இவ் இறுதிப்போட்டிக்கு பிரதம விருந்தினராக S. சிவநேசன் (முன்னாள் வல்வை புளூஸ் வீரர் ) , கௌரவ விருந்தினர்களாக D. வேதாபரணம்
(பரு.உதைபந்தாட்ட லீக் தலைவர் ), S. சர்வானந்தன் ( மக்கள் வங்கி முகாமையாளர் வல்வெட்டித்துறை ), K.தேவசிகாமணி ( முன்னாள் வல்வை புளூஸ் வீரர் ), சிறப்பு விருந்தினர்களாக S.ஸ்ரீபதி (தலைவர்-சிதம்பரா கல்லூரி பழைய மாணவர் சங்கம்) , K.பாலசிங்கம் (முன்னாள் தடகள வீரர் ) ஆகியோர் கலந்து சிறப்பிக்கவுள்ளனர்.
போட்டிகளின் வரிசையில் முதலாவதாக மூன்றாம் இடத்திற்கான போட்டியில் வதிரி பொம்மேர்ஸ் வி.கழகத்தை எதிர்த்து கம்பர்மலை யங்கன்பன்ஸ் வி.கழகம் விளையாடவுள்ளது. இறுதிப் போட்டியில் பலாலி விண்மீன் வி.கழகத்தை எதிர்த்து உடுப்பிட்டி நவஜீவன்ஸ் வி.கழகம் விளையாடவுள்ளது.
வல்வை விளையாட்டுக் கழகம் நடாத்தும் இவ் உதைபந்தாட்டச் சுற்றுப்போட்டியானது கடந்த 05.02.2014 அன்று ஆரம்பமாகி தொடர்ச்சியாக வல்வை ரெயின்போ விளையாட்டுக் கழக மைதானத்தில் நடைபெற்றுவந்தது இங்கு குறிப்பிடத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
