யாழ் CINEC இல் புதிதாக ஆரம்பமாகவுள்ள மாலுமிகளிற்கான பயிற்சிநெறிகள், அரிய சந்தர்ப்பம்
பிரசுரிக்கபட்ட திகதி: 21/03/2014 (வெள்ளிக்கிழமை)
CINEC (Colombo International Nautical and Engineering College) யாழ் கிளையில் புதிதாக மாலுமிகளாக இணைவதற்கான பயிற்சி நெறிகள் ஆரம்பமாகவுள்ளதாக, யாழ் கிளையின் நிர்வாகி திரு.லிங்கேஸ்வரன் தெரிவித்துள்ளார். குறித்த பயிற்சி நெறிக்கான முன்னோடிக் கருத்தரங்கு எதிர்வரும் ஏப்ரல் மாதம் 3 ஆம் திகதி இடம்பெறவுள்ளது. இத்தினத்தில் விண்ணப்பதாரிகளிற்கான மருத்துவப் பரிசோதனை மற்றும் ஆவணங்களை உறுதிப்படுத்தல் என்பன இடம்பெறவுள்ளன.
இதனைத் தொடர்ந்து, புதிய பயிற்சிநெறிகள் ஏப்ரல் மாதம் 15 ஆம் திகதி ஆரம்பமாகவுள்ளது. கருத்தரங்கு மற்றும் புதிய பயிற்சிநெறிகள் தொடர்பிலான மாற்றங்கள் ஏற்படின் வல்வெட்டிதுறை.ஒஆர்ஜி இல் உரிய நேரத்தில் வெளியிடப்படும்.
அகில இலங்கைக்குரிய CDC (Crew Discharge Certificate) பெறுவதற்கான தகமைகள், இலங்கை அரசினால் நாட்டின் வடக்கு மற்றும் கிழக்குப் பகுதிகளிற்கு குறைக்கப்பட்டிருந்த காலம் முடிவடைவதால், வடக்கு மற்றும் கிழக்கைச் சேர்ந்தவர்கள் இந்த அரிய சந்தர்ப்பத்தை தவறவிடக்கூடாது என திரு.லிங்கேஸ்வரன் மேலும் தெரிவித்துள்ளார்.
தகமைகள் குறைப்பின் பிரகாரம் வடக்கு மற்றும் கிழக்குப் பகுதியைச் சேர்ந்தவர்கள் க.பொ.த (சா/த) தோற்றியிருந்தால் போதுமானது என்பது இங்கு கவனத்தில் கொள்ளத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
