சிதம்பராக்கலூரியில் புதிய பெண்கள் கழிப்பறை அமைக்கும் வேலைகள் பூர்த்தி
பிரசுரிக்கபட்ட திகதி: 23/02/2013 (சனிக்கிழமை)
சிதம்பரா கல்லூரியில் காற்றோட்டமான, சுகாதாரமான கழிப்பறைகளின் தேவையை பூர்த்தி செய்யுமுகமாக கடந்த நாற்பது நாட்களுக்கு முன்னர் ஆரம்பிக்கப்பட்ட பெண்கள் கழிப்பறை அமைக்கும் வேலைகள் பூர்த்தியடைந்துள்ளது.
சிதம்பரா கல்லூரியின் பழைய மாணவர்களினதும், சிதம்பராக் கல்லூரி பந்தடியாதோர் சங்க நண்பர்கள் மற்றும் வல்வை நலன் விரும்பிகளினதும் பண உதவி மூலம் புதிய பெண்கள் கழிப்பறை அமைக்கும் இவ்வேலைத்திட்டம் நிறைவேற்றப்பட்டுள்ளது.
வல்வெட்டித்துறை நகரசபைக்குட்பட்டபிரதேசத்தில் அமைந்துள்ள ஒரேயொரு உயர்தர விஞ்ஞான பாடசாலையில், பாடசாலைச்சமூகத்தினர் எதிர்கொள்ளும் சிரமங்களை பெற்றோர்கள் தெரிவித்ததை கருத்திற்கொண்டு இத்திட்டம் மிக விரைவாகவும் அர்ப்பணிப்புடனும் நிறைவேற்றப்பட்டுள்ளது.
தொடர்ந்து நடைபெற்று வரும் புதிய ஆண்கள் கழிப்பறை அமைக்கும் வேலைகளை கல்லூரியின் பழைய மாணவர் சங்கம் மேற்பார்வையிட்டு வருகின்றது.
சுத்தம் சுகம் தரும் என்ற கோட்பாடுக்கு அமைய, இப்புதிய கழிப்பறைகளை தொடர்ச்சியாக சுத்தமாகப்பேணி எமது மாணவர்களின் சுகாதாரத்தை பேணுவது கல்லூரி நிர்வாகத்தினரின் கடமை என்று இப்பணியினைப் பூர்த்தியாக்கியுள்ள CWN இனர் தெரிவித்துள்ளனர்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
