வாழ்வு தந்த மண்ணே! வாழ்க நீ பல்லாண்டு

ஏதிலியாய் வந்த எம்மை ஏற்றிவைத்த மண்ணே!

போற்றுகின்றோம் உனை 

வாழ்க நீ பல்லாண்டு!

 

மனிதம் புதைந்த,

வையப் பரப்பெங்கும் வாழ்வு வசப்படாமல் வஞ்சிக்கப்பட்டு,

தஞ்சமென வரும் மாந்தர்களை,

வருக வருக என வரவேற்கும்,

வடதுருவ வாசலின் 

வெண்பனி பூக்கும் 

வையத்து வடிவழகே 

வாழ்க நீ பல்லாண்டு!

 

நானிலத்து மாந்தர் வாய்பேசும் 

நாவினிய தேன் சுரக்கும் 

மானிலத்து மேப்பிள்மர இலைதாங்கும் 

மனித நேய மண்ணின் கொடியழகே 

வாழ்க நீ பல்லாண்டு!

 

பனி உறையும் குளிர் சுமந்து,

கனிமவளம் பெருகி விளைந்து,

ஊர் செழிக்க இயற்கை தந்த மடியழகே 

வாழ்க நீ பல்லாண்டு!

 

அறம்தாங்கி நடந்த எங்கள் கரிகாலன் கொடியழகை 

உன் மடியும் ஏற்கும் 

காலமது கனியம் இங்கே.

அந்நாளில் எமையணைத்த அன்னை நீயென,

அவன் வம்சமது 

நன்றியுடன் எழுந்து நின்று வாழ்த்தி நிற்கும்.

அது வரையும் வாழிய வாழிய நீ பல்லாண்டு!!!

 

(ஆறுமுகம் ராஜ்குமார் கனடா)