சென்னையில் அனைத்து இந்திய வானொலியின் விவித் பாரதி FM சேவை
பிரசுரிக்கபட்ட திகதி: 23/02/2015 (திங்கட்கிழமை)
சென்னையில் அனைத்து இந்திய வானொலியின் விவித் பாரதி (All India Radio's – AIR, Vividh Bharati) FM சேவை தொடங்கப்பட்டுள்ளது. தகவல் மற்றும் ஒலி ஒளி பரப்பு அமைச்சர் ராஜ்யவரதன் றதோர் கடந்த வெள்ளிக்கிழமை இந்த சேவையை சென்னையில் ஆரம்பித்து வைத்துள்ளார்.
டெல்லியில் வெளியிடப்பட்ட உத்தியோகபூர்வ தகவல்களின் படி சென்னையில் வர்த்தக ரீதியில் வானொலி அலைவரிசைகள் இதுவரை 20 KW மத்திய அலையில் நடைபெற்று வந்தது என்றும் தற்பொழுது 10 KW FM ஒலிபரப்பு சாதனம் பொருத்தப்பட்டுள்ளது (10 KW FM transmitter) என்று தெரிவிக்கப்பட்டுள்ளது.
இந்தியாவில் மிகவும் பிரபல்யமாக விளங்கிய அனைத்து இந்திய வானொலியின் விவித் பாரதி சேவையானது இலங்கையின் வடக்கின் சில பகுதிகள் வரை கேட்கக் கூடியதாக இருந்து வந்ததுடன், கடந்த காலங்களில் உள்நாட்டு போரின் போது இங்குள்ள பல தமிழ் மக்களாலும் கேட்கப்பட்டு வந்தது என்பது குறிப்பிடத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
