வல்வை ஆதிசக்தி முன்பள்ளியின் 27ம் ஆண்டு நிறைவையொட்டி பாலகர்களின் விளையாட்டுப்போட்டி இன்று பிற்பகல் 0300 மணியளவில், வல்வை சிதம்பராக்கல்லூரி மைதானத்தில் நடைபெற்றது.
திரு த பரமானந்த ராசா (ஆதிசக்தி முன்பள்ளி முகாமைத்துவ குழு தலைவர்) தலைமையில் நடைபெற்ற இவ்விளையாட்டுப் போட்டிக்கு, சிறப்பு விருந்தினர்களாக திரு கி. இராஜதுரை (அதிபர் வல்வை சிதம்பராக்கல்லூரி), திருமதி கிரிஜா வாசுதேவன் (வல்வை நகராட்சி மன்றச் செயலாளர்), S.,சுதாஜினி (பருத்தித்துறை பிரதேச முன்பள்ளி இணைப்பாளர்), K .நிஷாந்தன் (J /388 முன்னாள் கிராம அலுவலர் )ஆகியோரும், மற்றும் கெளரவ விருந்தினர்களாக திரு .ந. சிவரத்தினம் (ஒய்வு நிலை பொது உதவி பொது முகாமைத்துவம், இலங்கை வங்கி, வடமாகாணம்) ஆகியோர் கலந்து கொண்டு சிறப்பித்திருந்தனர்.
இவ்விளையாட்டுப்போட்டியின் விருந்தினர்களை வல்வை ஆதிசக்தி முன்பள்ளி பாலர்கள் பாண்ட் வாத்திய அணிவகுப்புடன் வரவேற்றிருந்தனர். மங்கள விளக்கேற்றல், இறைவணக்கம், ஒலிம்பிக் தீபம் ஏற்றலுடன் ஆரம்பமான நிகழ்வில் பாலர்களின் பல்வேறு விதமான விளையாட்டுக்கள் மற்றும் விநோத உடைநிகழ்வுகள் , பழைய மாணவர்கள், பெற்றோர்கள், மத்தியஸ்தர்களுக்கான விளையாட்டுக்கள் என்பன நடைபெற்றன.
இறுதியாக விருந்தினர் உரையை அடுத்து பாலர்களுக்கான பரிசில்கள் வழங்கப்பட்டது.
இவ்விளையாட்டுப் போட்டியை கண்டுகளிக்க பாலகர்களின் பெற்றோர்கள், சிறுவர்கள் உட்பட்ட பலர் கலந்துகொண்டு சிறப்பித்திருந்தனர்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
