தினச்செய்தியின் அனுசரணையுடன் நெற்கொழு கழுகுகள் வி.க நடாத்தும் வடமாகாணா ரீதியான உதைபந்தாட்ட போட்டியில் நேற்று 30.08.2015 அன்று நடைபெற்ற போட்டியில் நெடியகாடு இளைஞர் விளையாட்டுக் கழகத்தை எதிர்த்து விளையாடிய ஞானமுருகன் விளையாட்டுகழகமும் மற்றும் உடுப்பிட்டி யூத் விளையாட்டுக் கழகத்தை எதிர்த்து விளையாடிய மன்னார் கில்லாரி விளையாட்டுகழகமும் வெற்றிபெற்று சுப்பர் 8 லீக் சுற்றுக்கு தகுதிபெற்றன.
முதலாவது போட்டியில் ஞானமுருகன் விளையாட்டுக் கழக வீரர் பார்த்தீபன் நான்காவது நிமிடத்தில் கோல் அடித்து ஆரம்பித்து வைக்க அதனைத் தொடர்ந்து ஐந்து, ஆறாவது நிமிடங்களிலும் கோல்கள் பெறப்பட்டது. மேலும் தொடர்ந்தும் தசரதன், தவரூபன், சிமித், லஸ்ரின் ஆகியோர் கோல்களை பெற ஞானமுருகன் இலகுவாக வெற்றிபெற்றது.
இரண்டாவது போட்டியில் மன்னார் கில்லார் விளையாட்டுக் கழகத்தை எதிர்த்து உடுப்பிட்டி யூத் விளையாட்டுக் கழகம் மோதியது. இப் போட்டியின் 19 ஆவது நிமிடத்தில் கில்லாரி விளையாட்டுக் கழகம் விளையாட்டுக் கழக வீரர் ரஞ்சன் ஒரு கோலினை பெற தொடர்ந்து 29 ஆவது நிமிடத்தில் அன்ரன் சொய்சா மேலும் ஒரு கோலினை பெற்றதன் மூலம், முதல் பாதியில் 2:0 என முன்னிலை பெற்றது. தொடரந்து ஆதிக்கம் செலுத்திய கில்லாரிக்கு தண்டஉதை மூலம் ரஞ்சாவும் பாலதாஸ் மூலமாக மேலும் ஒரு கோலினை பெற 4:0 என்றகோல் கணக்கில் வெற்றிபெற்றது.
போட்டியில் சிறப்பான ஆட்டத்தினை வெளிப்படுத்திய ஞானமுருகன் அணியிலிருந்து பார்த்தீபன் மற்றும் கில்லாரி விளையாட்டுக் கழக சார்பாக ரஞ்சாவும் ஆட்டநாயகனாக தெரிவுசெய்யப்பட்டனர்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
