தினச்செய்தியின் அனுசரணையுடன் நெற்கொழு கழுகுகள் வி.க நடாத்தும் வடமாகாண ரீதியான உதைபந்தாட்ட போட்டியில் நேற்று 02.09.2015 அன்று நடந்த போட்டியில் யாழ் சென்.மேரிஸ் மற்றும் மன்னார் சென்.ஜோசப் அணிகள் சுப்பர் 8 சுற்றுக்குதகுதிபெற்றன.
முதலாவது போட்டியாக இடம்பெற்ற சென் மேரிஸ் வி.க எதிர் வல்வை வி.க இடையிலான போட்டியில் ஆட்டத்தின் 16 ஆவது நிமிடத்தில் சென் மேரிஸ் வீரர் நிதர்சன் ஒரு கோலினை அடித்தார்.
பெறப்பட்ட கோலினை தொடர்ந்து வல்வை வி.க கோலினை பெற்றுவிடவேண்டும் என்ற நோக்குடனும் சென் மேரிஸ் மேலும் கோல்களை பெறவேண்டும் என ஆடியபோதும் சந்தர்ப்பங்கள் அமைந்தும் மேலதிக கோல் எதனையும் இரு அணிகளாலும் பெறமுடியவில்லை.
எனவே ஆட்டம் 1:0 என்ற கோல் கணக்கில் சென்.மேரிஸ் வெற்றிபெற்றது. சிறப்பான ஆட்டத்தினை வெளிப்படுத்தியதுடன் ஒருகோலினையும் அடித்த நிதர்சன் ஆட்ட நாயகனாக தெரிவுசெய்யப்பட்டார்.
இரண்டாவது போட்டியாக இடம்பெற்ற சென்.ஜோசப் வி.க எதிர் வதிரி பொம்மேர்ஸ் வி.க இடையிலான போட்டியில் ஆட்டத்தின் முதற் பாதியில் இரு அணிகளாலும் கோல் எதனையும் பெற்றுக் கொள்ளமுடியவில்லை. இரண்டாவது பாதி ஆட்டம் விறுவிறுப்பாக தொடர இரண்டாவது பாதியின் 7 ஆவது நிமிடத்தில் சென்.ஜோசப் வீரர் ரெக்சன் முதலாவது கோலினை அடிக்க தொடர்ந்து 17 ஆவது நிமிடத்தில் நட்சத்திர வீரர் டிங்கோணி ஒரு கோலினை பெற்றார்.
ஆட்டத்தின் 02 நிமிடங்கள் இருக்கும் போது பொம்மேர்ஸ் அணியினர் போதிய வெளிச்சம் இன்மை என கூற போட்டி நிறுத்தப்பட்டது. எனினும் போட்டி நடுவர்களின் அறிக்கையில் மிகுதி நேர விளையாட்டினை தொடர போதுமான வெளிச்சம் காணப்பட்டதாக சுட்டிக் காட்டப்பட்டதனை தொடர்ந்து போட்டிஏற்பாட்டாளர்களால் சென்.ஜோசப் வெற்றி பெற்றதாக அறிவிக்கப்பட்டது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
