வட ஆளுநர் கிண்ண உதைபந்தாட்டச் சுற்று காலிறுதியில் வல்வை வி.கழகம் வெற்றி
பிரசுரிக்கபட்ட திகதி: 22/11/2014 (சனிக்கிழமை)
வட ஆளுநர் கிண்ண உதைபந்தாட்டச் சுற்றுத் தொடரின், பருத்தித்துறை உதைபந்தாட்ட லீக்கின் அங்கம் வகிக்கும் கழகங்களிற்கிடையிலான, காலிறுதி ஆட்டம் இன்று அல்வாய் இளைஞர் விளையாட்டுக்கழக மைதானத்தில் இடம்பெற்றது.
இன்று காலை முதலாவதாக நடந்த போட்டியில் வல்வை விளையாட்டுக் கழகத்தை எதிர்த்து அல்வாய் நண்பர்கள் விளையாட்டுக்கழகம் விளையாடியது. இப்போட்டியில் வல்வை விளையாட்டுக் கழகம் 2 : 0 என்ற கோல் கணக்கில் வெற்றி பெற்று அரையிறுதிக்கு முன்னேறியது.
இரண்டாவதாக நடைபெற்ற போட்டியில் திக்கம் இளைஞர்கள் விளையாட்டுக் கழகத்தை எதிர்த்து வல்வை ஆதிசக்தி விளையாட்டுக்கழகம் மோதியது. போட்டி நேர முடிவில் இரு அணிகளும் கோல் எதுவும் பெறாத நிலையில் நடுவர்களினால் வழங்கப்பட்ட சமநிலை தவிர்ப்பு உதையில் (Penalty) திக்கம் இளைஞர்கள் விளையாட்டுக் கழகம் வெற்றி பெற்று அரையிறுதிக்கு முன்னேறியது.
மூன்றாவதாக நடைபெற்ற போட்டியில் பலாலி விண்மீன் விளையாட்டுக் கழகத்தை எதிர்த்து உடுத்துறை செந்தமிழ் விளையாட்டுக்கழகம் மோதியது. இப் போட்டியில் பலாலி விண்மீன் விளையாட்டுக் கழகம் 2 : 0 என்ற கோல் கணக்கில் வெற்றி பெற்று அரையிறுதிக்கு முன்னேறியது.
நான்காவது போட்டியில் மணற்காடு சென் சேவியர் விளையாட்டுக்கழகம் Walker முறையில் வெற்றி பெற்று அரையிறுதிக்கு முன்னேறியது.
காலிறுதிப் போட்டி முடிவுகளின் படி, அரையிறுதிப் போட்டிகளில்;
வல்வை விளையாட்டுக் கழகம் VS பலாலி விண்மீன் விளையாட்டுக் கழகம்
திக்கம் இளைஞர் விளையாட்டுக் கழகம் VS மணற்காடு சென் சேவியர் விளையாட்டுக் கழகம் என்பன மோதவுள்ளன.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
