இறுதிப் போரின் போது இடம்பெற்றதாக கூறப்படும் மனித உரிமைமீறல் குறித்த சர்வதேச விசாரணைக்கான பொறிமுறை உருவாக்கப்படல் வேண்டும் என்ற பிரேரணை வடமாகாண சபையினால் ஏகமனதாக ஏற்றுக்கொள்ளப்பட்டு நிறைவேற்றப்பட்டுள்ளது.
சபை முதல்வர் சி.வி.கே.சிவஞானம் தலைமையில் இன்று காலை 9.30 மணியளவில் சபை கூடியிருந்தது. இந்த நிலையில் முதலமைச்சர் சி.வி.விக்னேஸ்வரனினால் குறித்த பிரேரணை முன்வைக்கப்பட்ட போது இதனை சபை உறுப்பினர் சிவாஜிலிங்கம் வழிமொழிந்திருந்தார்.
குறித்த பிரேரணையை தெளிவாக வாசித்து விளங்கி கொள்ள தனக்கு ஒரு சில மணித்தியால கால அவகாசம் வேண்டும். அதன் பின்னர் பிரேரணை தொடர்பில் விவாதத்தை மேற்கொள்ளலாம் என எதிர்க்கட்சி தலைவர் சி.தவராசா அவைத்தலைவரிடம் கேட்டுக் கொண்டதற்கு இணங்க கால அவகாசம் வழங்கப்பட்டிருந்தது.
இந்நிலையில் குறித்த பிரேரணை தொடர்பில் வாதப் பிரதிவாதங்கள் நடைபெற்ற நிலையில் பிரேரணை ஏகமனதாக ஏற்றுக்கொள்ளப்பட்டு நிறைவேற்றப்பட்டுள்ளது.
எதிர்க்கட்சியினரும் குறித்த பிரேரணைக்கு தமது பூரண ஒத்துழைப்புக்களை வழங்கியுள்ளார்கள் என்பது குறிப்பிடத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
