வல்வையில் இடம்பெற்றுவரும் NVQ 2 ஆங்கில கற்கைநெறிகள்
பிரசுரிக்கபட்ட திகதி: 16/12/2017 (சனிக்கிழமை)
வல்வையில் இலங்கை தொழிற்பயிற்சி அதிகாரசபையின் (Vocational Training Authority, Srilanka) NVQ 2 ஆங்கில கற்கைநெறிகள் தற்பொழுது வெற்றிகரமாக இடம்பெற்றுவருகின்றது.
வல்வை மாலுமிகள் சங்க அனுசரணையில் வல்வை நகரசபைக்குச் சொந்தமான பழைய சந்தை கட்டடத் தொகுதியின் மேல் மாடியில் குறித்த வகுப்புக்கள் பிரதி சனி மற்றும் ஞாயிறு தினங்களில் காலை 0900 மணி முதல் பிற்பகல் 1 மணி வரை இடம்பெற்று வருகின்றது.
NVQ 2 தரம் 4 நிலையில் மேற்கொள்ளப்பட்டும் இந்தப் கற்கை நெறியில் 2 பிரிவுகளாக மொத்தம் 42 மாணவர்கள் ஆங்கிலம் பயின்று வருகின்றனர். இவ்வாறான NVQ 2 ஆங்கில கற்கைநெறிகள் 2 பிரிவுகளாக இங்கு மட்டுமே நடாத்தப்படுவது சுட்டிக்காட்டத்தக்கது.
கற்கைநெறிக்கான பெரும்பகுதியினை சிவன் அறக்கட்டளையினரும் , மற்றைய பகுதியினை வல்வை மாலுமிகள் சங்கமும் வழங்கி வருகின்றனர்.
NVQ கற்பிப்போருக்கான தகமை பெற்ற இரண்டு ஆசிரியர்களால் குறித்த பயிற்சி நெறிகள் நடாத்தப்பட்டு வருகின்றது.
6 மாதங்கள் இடம்பெறும் இந்தப் பயிற்சி நெறி எதிர்வரும் மார்ச் மாதம் முடிவடையிவுள்ளது. இதனைத் தொடர்ந்து மீண்டும் புதிய வகுப்புக்கள் ஆரம்பிக்க முயற்சிகள் எடுக்கப்படுவதாக அனுசரணையாளர்களான
வல்வை மாலுமிகள் சங்கத்தினர் தெரிவிக்கின்றனர்.
வல்வை மற்றும் இதனை அண்டிய பகுதிகளில் இருந்து குறித்த இந்த ஆங்கிலக் கற்கை நெறி பயில்பவர்களில் 80 வீதமானோர் பெண்கள் என்பது குறிப்பிடத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
