தமிழ் விருட்சம் அமைப்பினால் குடத்தனை மாணவர்கள் சிலருக்கு உதவி
பிரசுரிக்கபட்ட திகதி: 25/11/2015 (புதன்கிழமை)
வடமராட்சிக் கிழக்கு குடத்தனை கிறிஸ்து நற்தூது பணியகத்தில், நேற்றைய தினம் (24.11.2015) செவ்வாய்க்கிழமை கல்வியில் ஊக்கமுள்ள கற்றலை தொடர முடியாத 16 மாணவர்களுக்கு கற்றல் உபகரணங்கள் வழங்கும் நிகழ்வு இடம்பெற்றது.
தமிழ் விருட்சம் அமைப்பினூடாக தமிழ் விருட்சம் அமைப்பின் யாழ் மாவட்ட இணைப்பாளர் நிதர்ஷன் உபகரணங்களை மாணவர்களுக்கு வழங்கினார். குறித்த மாணவர்களுக்கான அன்பளிப்புக்களை சமூக ஆர்வலர் திரு சிவா அவர்கள் தமிழ் விருட்கம் ஊடாக வழங்கியுள்ளார்.
இந் நிகழ்வில் கிறிஸ்து வளாக இயக்குனர் டேவிட் நிருட்ஷிகன் மற்றும் ஆசிரியர்கள் பெற்றோர்கள் மாணவர்கள் என பலரும் கலந்து கொண்டனர். வளாக முதல்வர் உரை நிகழ்த்துகையில் தமிழ் விருட்சத்தின் பணிகளுக்கு நன்றியையும் கூறிக்கொண்டு தமிழ் விருட்சத்தின் பணிகள் இவ்வாறான மாணவர்களுக்கு தொடரவேண்டும் என்று குறிப்பிட்டார்
அதன் பிறகு தமிழ் விருட்சம் அமைப்பின் யாழ் மாவட்ட இணைப்பாளர் நிதர்ஷன் உரையாற்றுகையில் கல்வியின் ஊடாகவே மாணவர்களுடை சவால்களையும் எதிர்பார்ப்புக்களையும் வெற்றி என்ற இலக்கை அடைய முடியும் என்று குறிப்பிட்டு அதற்கு தமிழ் விருட்சம் என்றும் உறுதுணையாக இருக்கும் என்றும் குறிப்பிட்டார்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
