தீபாவளியை முன்னிட்டு ரேவடி வி.க நடாத்திய தண்ட உதை போட்டி - இளங்கதிர் வெற்றி

தீபாவளித் திருநாளை முன்னிட்டு வல்வை ரேவடி இளைஞர் விளையாட்டுக் கழகத்தால் வல்வை வி.கழகத்திற்கு உட்பட்ட கழகங்களுக்கிடையேயான தண்ட உதை போட்டியொன்று நேற்று மாலை 4 மணியளவில் வல்வை தீருவில் விளையாட்டுக்கழக மைதானத்தில் நடைபெற்றது.

 

இதில் வல்வையைச் சேர்ந்த கழகங்களான வல்வை சைனிங்ஸ் வி.க, வல்வை நேதாஜி வி.க, வல்வை தீருவில் இளைஞர் வி.க, உதயசூரியன் கழகம், வல்வை ரெயின்போ வி.க, வல்வை ரேவடி இளைஞர் வி.க மற்றும் இளங்கதிர் இளைஞர் வி.கழகம் போன்றன பங்குபற்றியிருந்தன. 

 

விலகல் முறையிலமைந்த இந்தப் போட்டியில் நடைபெற்ற முதல் சுற்று போட்டி முடிவுகள் வருமாறு;

 

1 உதயசூரியன் எதிர் சைனிங்ஸ் :- சைனிங்ஸ் வெற்றி 

2 ரேவடி A எதிர் தீருவில் :- தீருவில் வெற்றி

3 இளங்கதிர் எதிர் நேதாஜி :- இளங்கதிர் வெற்றி 

4 ரெயின்போ எதிர் ரேவடி B :- ரெயின்போ வெற்றி 

 

அரையிறுதியாட்டத்தில்

 

இதன்மூலம் அரையிறுதியாட்டத்தில் தீருவில் வி.கழகம் இளங்கதிர் வி,கழகத்தை எதிர்த்தது, இதில் இளங்கதிர் வி,கழகம் வெற்றி பெற்று இறுதிக்கு முன்னேறியது. இரண்டாவது அரையிறுதியாட்டத்தில் சைனிங்ஸ் வி.கழகத்தை எதிர்த்து ரெயின்போ வி.கழகம் மோதியது, இதில் ரெயின்போ வி.கழகம் வெற்றி பெற்று இறுதிக்கு முன்னேறியது.

 

மூன்றாம் இடத்திற்கான தெரிவு போட்டியில் தீருவில் வி.கழகத்தை எதிர்த்து சைனிங்ஸ் வி.கழகம் மோதியது, இந்தப் போட்டியில் சைனிங்ஸ் வி.கழகம் வெற்றி பெற்று மூன்றாம் இடத்தை பெற்றுக் கொண்டது. 

 

இறுதிப் போட்டியில் இளங்கதிர் வி. கழகம் வெற்றி  

 

அதனைத்தொடர்ந்து நடைபெற்ற இறுதிப் போட்டியில் இளங்கதிர் வி. கழகத்தை எதிர்த்து ரெயின்போ வி.கழகம் மோதியது, இந்தப் போட்டியில் இளங்கதிர் வி. கழகம் வெற்றி பெற்று கிண்ணத்தை கைப்பற்றியது. சிறந்த கோல் காப்பாளராக இளங்கதிர் வி.கழகத்தை சேர்ந்த பிரசாந் தெரிவு செய்யப்பட்டார்.