VaiSWA இனால் நடாத்தப்பட்ட கப்டன் S.சிலுவைதாஸ் அவர்களின் சேவைநலன் பாராட்டுவிழா
பிரசுரிக்கபட்ட திகதி: 28/01/2015 (புதன்கிழமை)
வல்வை மாலுமிகள் நலன்புரிச் சங்கத்தினால் ( VaiSWA ) ஊர்காவர்துறையைச் சேர்ந்த கப்டன் S.சிலுவைதாஸ் அவர்களுக்கு சேவைநலன் பாராட்டு விழா இன்று புதன்கிழமை வல்வெட்டித்துறை சந்தியிலுள்ள வல்வை சன சமூக நிலைய மண்டபத்தில் மாலை 04 00 மணியளவில் நடைபெற்றது.
ஊர்காவர்துறையைச் சேர்ந்த கப்டன் S.சிலுவைதாஸ் அவர்கள் வல்வெட்டித்துறையைச் சேர்ந்த மாலுமிகளுக்கு ஆற்றிய சேவைகளுக்கு மதிப்பளிக்கும் முகமாக VaiSWA இனால் இச் சேவை நலன் பாராட்டு நிகழ்வு ஒழுங்கமைக்கப்பட்டிருந்தமை குறிப்பிடத்தக்கது.
வல்வை மாலுமிகள் நலன்புரிச் சங்கத்தின் அழைப்பையேற்று இந்நிகழ்விற்கு கப்டன் S.சிலுவைதாஸ் அவர்கள் தனது குடும்பம் சகிதம் வருகை தந்திருந்திருந்தார். இவருக்கான வரவேற்ப்பை வல்வெட்டித்துறையின் மாலுமிகள் மற்றும் வல்வையின் பல்வேறு தரப்பினரும் வழங்கியதோடு, கப்டன் S.சிலுவைதாஸ் அவர்களின் வல்வை மாலுமிகளுக்காக கடந்த காலங்களில் ஆற்றிய சேவையினை மனமுவந்து பாராட்டினர்.
நிகழ்வில் கலந்துகொண்ட கப்டன் S.சிலுவைதாஸ் அவர்களுக்கு வல்வை மாலுமிகள் நலன்புரிச் சங்கத்தினால் ( VaiSWA ) சேவை நலன் பாராட்டுப்பத்திரம் வழங்கியதோடு, விசேட நினைவுப் பரிசையும் வழங்கிக் கெளரவிக்கப்பட்டது. அத்துடன் சிற்றுண்டி விருந்துபசாரமும் அளிக்கப்பட்டது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
