இன்று இறுதி ஆட்டம் - யங்கம்பன்ஸ், சென் அன்டனிஸ் மோதுகின்றன
பிரசுரிக்கபட்ட திகதி: 28/03/2015 (சனிக்கிழமை)
வல்வை நெடியகாடு இளைஞர் விளையாட்டுக் கழகம், யாழ் மாவட்ட உதைபந்தாட்ட அணிகளுக்கிடையே இதுவரை நடாத்தி வந்த Jaffna challengers cup உதைபந்தாட்ட சுற்றுப் போட்டியின் இறுதிப் போட்டி இன்று (28.03.2015) நடைபெறவுள்ளது.
இன்றைய கிண்ணத்துக்கான பலப் பரீட்சையில் கம்பர்மலை யங்கம்பன்ஸ் விளையாட்டுக் கழகத்தை எதிர்த்து பாசையூர் சென் அன்டனிஸ் விளையாட்டுக் கழகம் மோதுகின்றது.
நேற்று முன்தினம் நடைபெற்ற முதலாவது அரையிறுதி போட்டியில் நாவாந்துறை சென் மேரிஸ் விளையாட்டுக் கழகத்தை எதிர்த்து கம்பர்மலை யங்கம்பன்ஸ் விளையாட்டுக் கழகம் மோதியது. மிகவும் விறு விறுப்பாக நடைபெற்ற ஆட்டத்தில் ஆட்ட நேர முடிவில் இரு அணிகளும் எதுவித கோல்களையும் பெற்றிருக்கவில்லை.
இதனால் தண்ட உதை வழங்கப்பட, தண்ட உடையில் 7:6 என்ற கோல்கணக்கில் யங்கம்பன்ஸ் வெற்றிபெற்றது.
இரண்டாவது அரையிறுதி போட்டியில் நவிண்டில் கலைமதி விளையாட்டுக் கழகத்தை எதிர்த்து பாசையூர் சென் அன்டனிஸ் விளையாட்டுக் கழகம் மோதியது.
ஆட்டத்தின் முதல் பாதியில் 2 அணிகளும் சம பலத்துடன் மோதியிருந்தாலும், ஆட்டத்தின் பிற்பாதியில் சிறப்பாக ஆடிய சென் அன்டனிஸ் அணி 2, 13, 20 மற்றும் 24 ஆவது 4 கோல்களை பெற்று 4:1 என்ற கோல் கணக்கில் வெற்றிபெற்று இறுதிப்போட்டிக்கு தெரிவாக்கியுள்ளது.
இன்றைய இறுதிப்போட்டிகள் மாலை 5 மணியளவில் வல்வெட்டித்துறை நெடியகாடு விளையாட்டுக் கழக மைதானத்தில் இடம்பெறவுள்ளது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
