வல்வை விளையாட்டுக்கழகம் தனது வைரவிழாவினை முன்னிட்டும் மறைந்த வீரர்கள் ஞாபகார்த்தமாகவும் நடாத்தும் 9 நபர் கொண்ட மாபெரும் வடமாகாண ரீதியிலான உதைபந்தாட்ட சுற்றுத் தொடரின் இன்றைய முதலாவது ஆட்டத்தில் கொற்றாவத்தை றேஞ்சஸ் (வட) விளையாட்டுக்கழகத்தினை எதிர்த்து கரணவாய் கொலின்ஸ்(வட) விளையாட்டுக்கழகமானது மோதியது.
இந்த ஆட்டத்தில் கொற்றாவத்தை றேஞ்சஸ் விளையாட்டுக்கழகமானது 7 : 1 என்ற கோல்கணக்கில் வெற்றி பெற்று லீக் சுற்றின் முதலாவது வெற்றியினை பதிவு செய்தது. கொற்றாவத்தை றேஞ்சஸ் அணிசார்பாக ஆர்த்திகன் 3 , ஈழவேந்தன் 2, சுஜாஸ் மற்றும் மாதவன் ஆகியோர் தலா ஒவ்வொரு கோலினையும் பெற்றுக்கொடுத்தனர்.
கொலின்ஸ் அணிசார்பாக பெறப்பட்ட ஒரு கோலினையும் வனஜன் பெற்றுக்கொடுத்தார். போட்டியின் ஆட்டநாயகனாக கொற்றாவத்தை றேஞ்சஸ் அணியின் முன்கள வீரர் ஆர்த்திகன் தெரிவு செய்யப்பட்டு பதக்கம் அணிவித்து கௌரவிக்கப்பட்டார்.
அதனைத் தொடர்ந்து இடம்பெற்ற இரண்டாவது ஆட்டத்தில் பலாலி விண்மீன் (பரு) விளையாட்டுக்கழகத்தினை எதிர்த்து கம்பர்மலை யங்கம்பன்ஸ் (வட) விளையாட்டுக்கழகமானது மோதியது. பரபரப்பாக இடம்பெற்ற ஆட்டமானது 1:1 என்ற கோல்கணக்கில் சமனிலையடைந்தது. பலாலி விண்மீன் அணிசார்பாக பெறப்பட்ட ஒரு கோலினையும் ஜோன்விஜித் பெற்றுக்கொடுத்தார். கம்பர்மலை யங்கம்பன்ஸ் அணிசார்பாக பெறப்பட்ட ஒரு கோலினையும் ரதன் பெற்றுக்கொடுத்தார். போட்டியின் ஆட்டநாயகனாக யங்கம்பன்ஸ் அணியின் முன்கள வீரர் ரதன் தெரிவுசெய்யப்பட்டு பதக்கம் அணிவித்து கௌரவிக்கப்பட்டார்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
