வல்வை விளையாட்டுக்கழகம் தனது வைரவிழாவினை முன்னிட்டும் மறைந்த வீரர்கள் ஞாபகார்த்தமாகவும் நடாத்தும் 9 நபர் கொண்ட மாபெரும் வடமாகாண ரீதியிலான உதைபந்தாட்ட போட்டியின் இன்றைய முதலாவது ஆட்டத்தில் மயிலங்காடு ஞானமுருகன் (யாழ்) விளையாட்டுக்கழகத்தினை எதிர்த்து பலாலி விண்மீன் (பரு ) விளையாட்டுக்கழகமானது மோதியது.
இந்த ஆட்டத்தில் மயிலங்காடு ஞானமுருகன் விளையாட்டுக்கழகமானது 3 : 1 என்ற கோல்கணக்கில் வெற்றி பெற்று லீக் சுற்றின் முதலாவது வெற்றியினை பதிவு செய்தது. மயிலங்காடு ஞானமுருகன் அணிசார்பாக வஷின்சன் 2 கோல்களினையும் ,சதீபன் 1 கோலினையும் பெற்றுக்கொடுத்தனர். பலாலி வீண்மீன் அணிசார்பாக பெறப்பட்ட ஒரு கோலினையும் நிதுஷன் பெற்றுக்கொடுத்தார். போட்டியின் ஆட்டநாயகனாக மயிலங்காடு ஞானமுருகன் அணியின் முன்கள வீரர் சதீபன் தெரிவு செய்யப்பட்டு பதக்கம் அணிவித்து கௌரவிக்கப்பட்டார்.
அதனைத்தொடர்ந்து இடம்பெற்ற இரண்டாவது ஆட்டத்தில், கரணவாய் கொலின்ஸ் (வட) விளையாட்டுக்கழகத்தினை எதிர்த்து வதிரி பொம்மேர்ஸ் (வட) விளையாட்டுக்கழகமானது மோதியது. இந்த ஆட்டத்தில் வதிரி பொம்மேர்ஸ் விளையாட்டுக்கழகமானது 4 : 0 என்ற கோல்கணக்கில் வெற்றிபெற்றது.
வதிரி பொம்மேர்ஸ் அணி சார்பாக கோபிநாத் 2 கோல்களினையும், உதயராஜ் 1 கோலினையும் பெற்றுக்கொடுத்தார். நாகாவது கோலானது Own Goal ஆகும். போட்டியின் ஆட்டநாயகனாக பொம்மேர்ஸ் அணியின் முன்கள வீரர் கோபிநாத் தெரிவுசெய்யப்பட்டு பதக்கம் அணிவித்து கௌரவிக்கப்பட்டார்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
