கழுகுகள் மாபெரும் உதைபந்தாட்டம் இன்று கோலாகாலமாக ஆரம்பம்
பிரசுரிக்கபட்ட திகதி: 01/08/2015 (சனிக்கிழமை)
தினச்செய்தி ஊடக அனுசரணையுடனும், பருத்தித்துறை உதைப்பந்தாட்ட அனுமதியுடனும் நெற்கொழு கழுகுகள் விளையாட்டுக்கழகத்தின் வடமாகாண ரீதியான மாபெரும் உதைபந்தாட்ட சுற்றுப்போட்டியின் தொடக்க நிகழ்வு இன்று கோலாகலமாக ஆரம்பமாமானது.
கழுகுகள் விளையாட்டுக்கழகத் தலைவர் க.சதீஸ் தலைமையில்,காலை 9 மணியளவில் ஆரம்பமான நிகழ்வில் விருந்தினர்கள் மேளதாள வாத்தியங்களுடன் மைதானத்திற்கு அழைத்து வரப்பட்டு சம்பிராயபூர்வமாக தொடக்க நிகழ்வு ஆரம்பமானது.
போட்டிக்கு பிரதம விருந்தினராக திரு.அனுரா டி செல்வா (இலங்கை உதைப்பந்தாட்ட சம்மேளனத் தலைவர்) அவர்களும், யாழ் இந்திய தூதரக அதிகாரி மற்றும் திரு.மா.நவநீதமணி (தலைவர், பருத்தித்துறை உதைப்பந்தாட்ட சங்கம்) அவர்களும், திரு.T.ராஜசிங்கம் (தினச்செய்தி பிரதம ஆசிரியர்) அவர்களும் கலந்துகொண்டார்கள். இவர்களுடன் வடமாகணசபை உறுப்பினர்களான திரு.M.K.சிவாஜிலிங்கம் மற்றும் அனந்தி சசிதரன் ஆகியோரும் கலந்து கொண்டிருந்தனர்.
முதலாவது போட்டியாக இன்று கம்பர்மலை யங்கம்பன்ஸ் விளையாட்டுக்கழகத்தை எதிர்த்து உடுப்பிடி நவஜீவன்ஸ் விளியாட்டுக்கழக்கம் மோதியது. இரு அணிகளும் சம நிலையைப் பெற்ற நிலையில் தண்ட உதை வழங்கப்பட்டது. தண்ட உதையில் கம்பர்மலை யங்கம்பன்ஸ் 3 / 2 என்ற கோல் கணக்கில் வெற்றிபெற்றது
இவ் உதைப்பந்தாட்ட சுற்றுப்போட்டிகள் யாவும் வல்வெட்டித்துறை நெற்கொழு கழுகுகள் விளையாட்டுக்கழக மைதானத்தில் நடைபெற்றது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
