தீருவில் இளைஞர் வி.கழக 72வது வருட விழா - மென்பந்தாட்டத்தில் சைனிங்ஸ் சம்பியன்
பிரசுரிக்கபட்ட திகதி: 04/04/2019 (வியாழக்கிழமை)
வல்வை தீருவில் இளைஞர் விளையாட்டுக் கழக 72வது வருட நிறைவை முன்னிட்டு நடைபெற்றுவரும் விளையாட்டுப் போட்டிகளின் வரிசையில் நேற்று வல்வைக்குட்பட்ட கழகங்களுக்கிடையில் மென்பந்தாட்ட சுற்றுப்போட்டி நடைபெற்றது.
நேற்றைய இறுதியாட்டத்தில் சைனிங்ஸ் அணியை எதிர்த்து இளங்கதிர் அணி மோதியது. முதலில் துடுப்பெடுத்தாடிய சைனிங்ஸ் அணி 10 ஓவர்கள் நிறைவில் 7 விக்கெட்டுகளை இழந்து 84 ஓட்டங்களை பெற்றது. சைனிங்ஸ் அணி சார்பாக பிரசாந் 37 அன்பழகன் 25 ஓட்டங்களை பெற்றனர்.
பதிலுக்கு துடுப்பெடுத்தாடிய இளங்கதிர் அணி 10 ஓவர்கள் நிறைவில் 7 விக்கெட்டுகளை இழந்து 62 ஓட்டங்களை பெற சைனிங்ஸ் அணி 22 ஓட்டங்களால் வெற்றி பெற்று சம்பியனானது.
சைனிங்ஸ் அணி சார்பாக அன்பழகன், நிரோசன் மற்றும் ஜெயக்குமார் தலா 2 விக்கெட்டுகளை வீழ்த்தினர்.
அதிரடியாக 25 ஓட்டங்களையும் 2ஓவர்கள் பந்துவீசி 2ஓட்டங்களை கொடுத்து 2 விக்கெட்டுகளை வீழ்த்திய சைனிங்ஸ் அணித்தலைவர் அன்பழகன் ஆட்டநாயகன் விருதினை வென்றார்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
