பருத்தித்துறை பிரதேச சபை கலாசார பேரவையின் நடாத்தப்பட்ட நாடகப்போட்டியில் 2ஆம் இடத்தை பெற்றுக்கொண்ட வல்வை கலை கலாசார இலக்கிய மன்றத்தின் "இன்னும் என்ன சொல்ல"

வடமாகாண  கல்வி பண்பாட்டலுவல்கள் மற்றும் விளையாட்டுத்துறை அமைச்சின் வழிகாட்டலில் பருத்தித்துறை வடமராட்சி வடக்கு பிரதேச கலாசாரப் பேரவை நடாத்திய நாடக விழாவின் பரிசளிப்பு நிகழ்வு கடந்த ஞாயிற்றுக்கிழமை பிற்பகல் 01.30 மணிக்கு பருத்தித்துறை பசுபதீஸ்வரர் ஆலய பர்வதவர்த்தனி மண்டபத்தில் நடைபெற்றது.

 

பிரதேச செயலாளர் திரு இ.த. ஜெயசீலன் தலைமையில் இவ்விழாவில் பருத்தித்துறை பிரதேச சபை கலாசார பேரவையால்   06.10.2013 அன்று நடாத்தப்பட்ட நாடகப்போட்டியில், இரண்டாம் இடத்தை பெற்றுக்கொண்ட வல்வெட்டித்துறை கலை கலாசார இலக்கிய மன்றத்தின்  "இன்னும் என்ன சொல்ல " (சமூக நாடகம் ) பரிசை பெற்றுக்கொண்டது. 

 

மேலும் இந்த நாடகத்தில் நடித்திருந்த கலைஞர்களுக்கு ''சிறந்த நடிகர் குழுவுக்கான விருதும்'' வழங்கப்பட்டிருந்தது. 

 

வல்வெட்டித்துறை கலை கலாசார இலக்கிய மன்றத்தின்  "இன்னும் என்ன சொல்ல " என்னும் நாடகமானது, கடந்த 18ஆம் திகதி வல்வை ஸ்ரீ முத்துமாரியம்மன் கல்யாணமண்டப திறப்பு விழாவின் போது இடம்பெற்றிருந்த கலை நிகழ்வுகளின் போது மேடையேற்றப்பட்டிருந்ததும் இங்கு குறிப்பிடத்தக்கது .

 

விழாவின் போது வழங்கப்பட்ட விருதுகளை கீழே உள்ள படங்களில் காணலாம்.