இந்துசமய கலாச்சார அலுவல்கள் திணைக்களத்தின் கலாபூசன விருது நாளை மறுதினம்
வழங்கப்படவுள்ளது, வல்வையிலிருந்தும் ஒருவர்
பிரசுரிக்கபட்ட திகதி: 12/12/2013 (வியாழக்கிழமை)
இந்துசமய கலாச்சார அலுவல்கள் திணைக்களத்தினால் வருடந்தோறும் கலை இலக்கிய கலைஞர்களுக்கு வழங்கப்படும் விருது எதிர்வரும் 15 ஆம் திகதி கொழும்பில் வழங்கப்படவுள்ளது.
இலங்கையிலுள்ள கலை இலக்கியம் சார்ந்த கலைஞர்களில் 60 வயதிற்கு மேற்பட்டவர்கள் இந்த விருதிற்கு தெரிவு செய்யப்பட்டு வரும் நிலையில் இந்த வருடம் 70 கலைஞர்கள் தெரிவு செய்யப்பட்டுள்ளனர். இதில் 34 பேர் யாழ் மாவட்டத்திலும், 4 பேர் முல்லைத்தீவு மாவட்டத்திலும், 3 பேர் வவுனியா மாவட்டத்திலும் தெரிவு செய்யப்பட்டுள்ளார்கள்.
யாழ் மாவட்டத்தில் தெரிவு செய்யப்பட்டவர்களில் வல்வெட்டித்துறையைச் சேர்ந்த திரு.வெள்ளியம்பலம்
முத்துசாமி ஒருவர் ஆவார்.
இலக்கியம், இசைத்துறை - தவில், மேடை நாடகம், இலக்கியம் நாடகம், சிற்பகலை, நாடகம் யோகாசனம், நாட்டுக்கூத்து, இசைநாடகம், ஓவியம், நாடகம் ஒப்பனை, சமய இலக்கியம், பக்தி இலக்கியம், இசைத்துறை- நாதஸ்வரம் , இசைத்துறை-வயலின் , கிராமியத்துரை, புராணபடலம் சமய சொற்பொழிவு, ஆகியவற்றிற்கான விருதுகள் குறித்த விருது வழங்கும் நிகழ்வில் வழங்கப்படவுள்ளது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
