லண்டனில் இறந்த பெண்மணி நெடியாகாட்டைச் சேர்ந்த ஜெயவாணி வாகீஸ்வரன், குழந்தைகள் கொலை தொடர்பாக போலீசார் எவரையும் சந்தேகிக்கவில்லை

லண்டனில் நேற்று முன்தினம் வியாழக்கிழமை இறந்த பெண் தனது இரு குழந்தைகளுடன் மரணமாகியுள்ளமை பெரும் அதிர்ச்சியை ஏற்படுத்தியுள்ளது. குறித்த பெண்மணி வல்வெட்டிதுறை நெடியாகாட்டைச் சேர்ந்த திரு.சக்திவேல் வாகீஸ்வரன் மனைவி ஜெயவாணி வாகீஸ்வரன் எனத்தெரிவிக்கப்படுகின்றது.

 

மரணமாகியுள்ள குழந்தைகள் 5 வயது மற்றும் 7 மாதங்கள் உடைய ஆண்பிள்ளைகள் ஆகும்.

 

BBC செய்தி ஸ்தாபனம் வெளியிட்டுள்ள தகவல்களின்படி குறித்த 2 குழந்தைகளின் மரணமும் கொலை எனப் புலனாய்வுப் பிரிவினரால் கருதப்படுவதாகவும், ஜெயவாணி வாகீஸ்வரன் தொடர்பாக 3 ஆவது நபர் எவரையும் போலீசார் தற்பொழுது சந்தேகம் கொள்ளவில்லை எனவும் தெரியவருகின்றது.

 

லண்டனில் பெரும் அதிர்ச்சியை ஏற்படுத்தியுள்ள குறித்த செய்தி லண்டனில் சகல ஊடகங்களிலும் தற்பொழுது ஒலி, ஒளிபரப்பப்பட்டுவருகின்றன.

 

ஜெயவாணி வாகீஸ்வரன் தம்பதியினர் கடந்த சில மாதங்களாக வட மேற்கு லண்டனின் Woodgrange Close என்னும் இடத்தில் வசித்து வருவதாகவும் மேலும் தெரிவிக்கப்படுகின்றது.