32 கழகங்கள் பங்குகொள்ளும் வல்வை உதைபந்து, முதலாம் நாள் ஆட்டத்தில் இமையாணன் மத்தி, திக்கம் இளைஞர் வி.க வெற்றி
பிரசுரிக்கபட்ட திகதி: 05/02/2014 (புதன்கிழமை)
பருத்தித்துறை உதைப்பந்தாட்ட லீக்கின் அனுமதியுடன், வல்வை விளையாட்டுக் கழகம் நடாத்தும் விலகல் முறையிலான உதைபந்து சுற்றுப் போட்டி இன்று வல்வையில் ஆரம்பமானது.
பருத்தித்துறை உதைப்பந்தாட்ட லீக்சில் பதிவு செய்யப்பட்டுள்ள 32 விளையாட்டுக்கழக அணிகள் பங்குகொள்ளும் இப்போட்டியானது இன்று மாலை 03.30மணியளவில் வல்வை ரெயின்போ விளையாட்டுக் கழக மைதானத்தில் நடைபெற்றது.
இன்று நடைபெற்ற முதலாவது ஆட்டத்தில் கொற்றாவத்தை கலைமதி விளையாட்டுக்கழகத்தை எதிர்த்து இமையாணன் மத்திய விளையாட்டுக்கழகம் மோதியது. இந்த ஆட்டத்தில் இமையாணன் மத்திய விளையாட்டுக்கழகம் 1: ௦ என்ற கோல் கணக்கில் வெற்றி பெற்றது
இரண்டாவது ஆட்டத்தில் கற்கோவளம் உதயதாரகை விளையாட்டுக்கழகத்தை எதிர்த்து திக்கம் இளைஞர் விளையாட்டுக்கழகம் மோதவிருந்தது. இந்த ஆட்டத்திற்கு கற்கோவளம் உதயதாரகை விளையாட்டுக்கழகம் சமூகமளிக்காத காரணத்தால் வெற்றி வாய்ப்பு திக்கம் இளைஞர் விளையாட்டுக்கழகத்திற்கு வழங்கப்பட்டுள்ளது.
நாளை நடைபெறவுள்ள ஆட்டத்தில் பருத்தித்துறை சுடரொளி விளையாட்டுக்கழகத்தை எதிர்த்து கொற்றாவத்தை றேஞ்சர்ஸ் விளையாட்டுக்கழகமும், பருத்தித்துறை ஐக்கிய விளையாட்டுக்கழகத்தை எதிர்த்து வல்வை நெடியகாடு
இளைஞர் விளையாட்டுக்கழகமும் மோதவுள்ளன.
இப் போட்டிகள் அனைத்தும் WELLWISH MEDICAL CENTER அனுசரணையுடன் இடம்பெற்று வருகின்றது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
