வடக்கு, கிழக்கு மாகாணங்களில் உள்ள பல்கலைக்கழகங்களில் முதன் முறையாக பொறியியல் பீடங்கள்
பிரசுரிக்கபட்ட திகதி: 04/01/2013 (வெள்ளிக்கிழமை)
வடக்கு, கிழக்கு மாகாணங்களில் உள்ள இரு பல்கலைக்கழகங்களில் முதன் முறையாக பொறியியல் பீடங்கள் ஆரம்பிக்கப்படவுள்ளமை பற்றியும், அதன் அமைவிடங்கள் பற்றியும் உயர் கல்வி அமைச்சு வர்த்தமானி அறிவித்தல் ஒன்றை வெளியிட்டுள்ளது.
இதற்கமைய தென்கிழக்கு பல்கலைக்கழகத்தின் பொறியியல் பீடம் ஒலுவில் பிரதான வளாகத்திலும், யாழ் பல்கலைக்கழக பொறியியல் பீடம் கிளிநொச்சி நகரிலும், பல்கலைக்கழக புதிய கல்வியாண்டில் ஸ்தாபிக்கப்படவுள்ளதாக உயர் கல்வி அமைச்சின் செயலாளர் கலாநிதி சுணில் ஜயந்த நவரட்ண அறிவித்துள்ளார்.
இவ்விரு பீடங்களுக்கும் புதிய கல்வியாண்டில் 193 மாணவர்கள் அனுமதிக்கப் படவுள்ளனர்.
ஏற்கனவே மொறட்டுவ மற்றும் பேராதனை பல்கலைக்கழகங்களில் இயங்கி வரும் பொறியியல் பீடங்களுடன் சேர்த்து, நாட்டில் ஐந்து பொறியியல் பீடங்கள் உள்ளதாகவும் உயர் கல்வி அமைச்சு அறிவித்துள்ளது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
