அமரர் புண்ணியமூர்த்தி அவர்களின் ஞாபகார்த்தமாக வல்வை சைனீஸ் விளையாட்டுக் கழகத்தினால் நடைபெற்றுக்கொண்டிருந்த மென்பந்தாட்ட தொடரின் இறுதிப்போட்டி இன்று வல்வை ரெயின்போ விளையாட்டுக் கழக மைதானத்தில் பிற்பகல் 3.00மணிக்கு நடைபெற்றது.
இந்த இறுதிப்போட்டியில் வல்வை உதயசூரியன் விளையாட்டுக் கழகத்தை எதிர்த்து வல்வை சைனீஸ் விளையாட்டுக் கழகம் மோதியது. நாணய சுழற்சியில் வெற்றி பெற்ற வல்வை உதயசூரியன் விளையாட்டுக் கழகம் முதலில் களத்தடுப்பை தெரிவு செய்தது. அதன் படி முதலில் துடுப்பெடுத்தாடிய சைனீஸ் விளையாட்டுக் கழகம் 12 ஓவர் முடிவில் 87 ஓட்டங்களை எடுத்தது. 88 ஓட்டங்களை எடுத்தால் வெற்றி எனும் இலக்குடன் களம் புகுந்த உதயசூரியன் விளையாட்டுக் கழகம் அனைத்து விக்கெட்டுக்களையும் இழந்து 72 ஓட்டங்களை எடுத்தது. இதனால் சைனீஸ் விளையாட்டுக் கழகம் 16 ஓட்டங்களினால் வெற்றியீட்டி வெற்றி கிண்ணத்தையும் சுவீகரித்துக்கொண்டது.
தொடரின் தொடர் நாயகன் விருது உதயசூரியன் விளையாட்டுக் கழகத்தை சேர்ந்த ரஞ்சித் அவர்களுக்கு வழங்கப்பட்டது(அதிக ஓட்டங்களை 204 எடுத்தார் ). தொடரில் சிறந்த பந்துவிச்சாளராக உதயசூரியன் விளையாட்டுக் கழகத்தை சேர்ந்த சிவஞானம் அவர்கள் தெரிவு செய்யப்பட்டார். தொடரின் வளர்ந்துவரும் இளம் வீரருக்கான விருது சைனீஸ் விளையாட்டுக் கழகத்தை சேர்ந்த அபிநயன் அவர்களுக்கும், இறுதிப்போட்டியின் ஆட்ட நாயகன் விருது சைனீஸ் விளையாட்டுக் கழகத்தை சேர்ந்த பார்த்திபன் அவர்களுக்கும் வழங்கப்பட்டது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
