சைனிங்கஸ் வி.க ஒரு நாள் உதைபந்து - இறுதி 5 நிமிடத்திற்குள் 3 கோல்களை பெற்று நேதாஜி வெற்றி
பிரசுரிக்கபட்ட திகதி: 25/10/2014 (சனிக்கிழமை)
வல்வை சைனிங்கஸ் விளையாட்டுக் கழகத்தின், வல்வை விளையாட்டுக் கழகத்திற்கு உட்பட்ட கழகங்கள் பங்குபற்றும் 9 நபர் கொண்ட ஒரு நாள் உதைபந்து சுற்றுப் போட்டி ஒன்றை இன்று நடாத்தியிருந்தது. முதல் சுற்றுப் போட்டிகள் வல்வை தீருவில் விளையாட்டுக் கழக மைதானத்தில் இன்று முற்பகல் இடம்பெற்றிருந்தன.
அதனைத்தொடர்ந்து இன்று மாலை 16 30 மணியளவில் இறுதிப்போட்டி நடைபெற்றது.இறுதிப் போட்டியில் வல்வை நேதாஜி விளையாட்டுக் கழகத்தை எதிர்த்து வல்வை ரேவடி இளைஞர் விளையாட்டுக் கழகம் மோதியது,
விறுவிறுப்பாக நடைபெற்ற போட்டியின் முதல் பாதியிலேயே ரேவடி இளைஞர் விளையாட்டுக் கழகம் ஒரு கோலினைப் போட்டு முன்னிலை வகித்தது. இரண்டாம் பாதியிலும் எதிரணி கோலினைப் போடவிடாமல் தடுத்தனர். வெற்றி ரேவடிக்கே என அனைவரும் எதிர்பார்த்த வேளையில் போட்டியின் இறுதி 5 நிமிடங்களுக்குள் நேதாஜி வி.கழகத்தை சேர்ந்த ரசிகரன் தொடர்ச்சியாக 3 கோள்களைப் போட்டு வெற்றியை நேதாஜியின் பக்கம் திசை திருப்பினார். முடிவில் நேதாஜி.வி.க ரேவடி வி.கழகத்தை 3:1 என்ற கோல் கணக்கில் வெற்றி கொண்டது.
போட்டியைத் தொடர்ந்து இடம்பெற்ற பர்சளிப்பு விழாவில் தொடர் ஆட்ட நாயகனுக்கான் விருது ரேவடி வி.கழகத்தை சேர்ந்த நகுலேஸ்வரன் ( ரவி ) அவர்களுக்கும், ஆட்ட நாயகன் விருது நேதாஜி வி.கழகத்தை சேர்ந்த ரசிகரன் அவர்களுக்கும், சிறந்த கோல் காப்பாளருக்கான விருது நேதாஜி வி.கழகத்தை சேர்ந்த ஜிவிந்தன் அவர்களுக்கும் வழங்கப்பட்டது. அத்தோடு இரண்டாமிடத்திற்க்கான கிண்ணம் வல்வை ரேவடி இளைஞர் விளையாட்டுக் கழகத்திற்கும் முதலாம் இடத்திற்கான வெற்றிக் கிண்ணம் வல்வை நேதாஜி விளையாட்டுக் கழகத்ற்கும் வழங்கப்பட்டது.
போட்டித்தொடரில் நடுவராக கடமையாற்றிய திரு.ரஞ்சித் ( பலாலி விண்மீன் வி.கழக வீரர் )
சிறந்த கோல் காப்பாளருக்கான விருது நேதாஜி வி.கழகத்தை சேர்ந்த ஜிவிந்தன்
ஆட்ட நாயகன் விருது நேதாஜி வி.கழகத்தை சேர்ந்த ரசிகரன்
தொடர் ஆட்ட நாயகனுக்கான் விருது ரேவடி வி.கழகத்தை சேர்ந்த நகுலேஸ்வரன் ( ரவி )
போட்டியின் இறுதி 5 நிமிடங்களுக்குள் தொடர்ச்சியாக 3 கோள்களைப் போட்ட நேதாஜி வி.கழகத்தை சேர்ந்த ரசிகரன்
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
