கம்பர்மலை யங்கம்பன்ஸ் வி.க மின்னொளி உதைபந்து, நேற்றைய போட்டியில் ஞானமுருகன், திக்கம் இளைஞர் வெற்றி
பிரசுரிக்கபட்ட திகதி: 29/05/2015 (வெள்ளிக்கிழமை)
கம்பர்மலை யங்கம்பன்ஸ் விளையாட்டுக்கழகம் மின்னொளியில் நடாத்தும் யாழ் மாவட்ட ரீதியான 7 நபர் கொண்ட மாபெரும் லீக் முறையிலான உதைப்பந்தாட்ட சுற்றுப்போட்டி நேற்று [2015.05.28] இரவும் தொடர்ந்து சிறப்பாக இடம்பெற்றது.
A-பிரிவு போட்டிகள் வரிசையில் முதலாவது போட்டியில் கொற்றாவத்தை ரேஞ்சர்ஸ் விளையாட்டுக்கழகத்தை எதிர்த்து மோதிய திக்கம் இளைஞர் விளையாட்டுக்கழகம் 2-1 என்ற கோல் கணக்கில் வெற்றிபெற்றது.
திக்கம் சார்பாக பிரகலாதபன், அரிகரன் தலா 1 கோல்களையும் பெற்றனர். ரேஞ்சர்ஸ் சார்பாக கைலாஸ் 1 கோலையும் பெற்றார்.
இப் போட்டியின் ஆட்டநாயகன் விருதினை திக்கம் இளைஞர் வீரர் அரிகரன் தட்டிச்சென்றார்.
இரண்டாவது போட்டியில், வதிரி டயமன்ஸ் விளையாட்டுக்கழகத்தை எதிர்த்து மயிலங்காடு ஞானமுருகன் விளையாட்டுக்கழகம் மோதியது. இந்த ஆட்டத்தில் மயிலங்காடு ஞானமுருகன் 2-0 என்ற கோல் கணக்கில் வெற்றிபெற்றது.
ஞானமுருகன் சார்பாக தவரூபன்-1 தீபன்-1 கோல்களையும் பெற்றனர். இப் போட்டியின் ஆட்டநாயகன் விருதினை ஞானமுருகன் வீரர் தவரூபன் தட்டிச்சென்றார்.
போட்டி இரவு 9 மணியளவில் கம்பர்மலை யங்கம்பன்ஸ் விளையாட்டுக்கழக மைதானத்தில் நடைபெற்றது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
