நீண்ட காலமாக சிறந்த முறையில் பராமரிக்கப்படாமல் இருந்த, வல்வை சென். செபஸ்தியர் தேவாலயத்திற்கு உதவ வல்வை நலன் விரும்பிகள் சிலர், சில மாதங்களின் முன்னர் உதவ முன்வந்ததையடுத்து, வல்வை சென்.செபஸ்தியர் தேவாலய நிர்வாகம் முதற்கட்ட வேலைகளுக்கான விபரங்களை, அறிவித்திருந்தனர்.
இதன் பிரகாரம் தற்பொழுது அவுஸ்ரேலியா வல்வை நலன் புரிச் சங்கம் ஆனது, முகப்பு வாசல் கதவுகள் மூன்று செய்து தர முன்வந்துள்ளனர். அத்துடன் சுவிஸ் வல்வை ஒன்றியத்தினர் தேவாலயத்திற்கான முழு மின் இணைப்பு வேலைகளை செய்து தரவும் முன்வந்துள்ளனர்.
வல்வெட்டித்துறை சந்தியில் அமைந்துள்ள வல்வை சென். செபஸ்தியர் தேவாலயத்தின் புனரமைப்பு வேலைகளை பகுதி பகுதியாகப் பிரித்து, ஒவ்வொரு வேலைகளுக்கும் தேவையான நிதி விபரங்களை தெரிவிக்கும் படி புலம் பெயர் நாடுகளில் உள்ள வல்வை நலன்புரிச் சங்கத்தினர், மற்றும் வல்வை நலன் விரும்பிகள் கேட்டதிற்கு இணங்க, தேவாலய நிர்வாகம் முதற்கட்ட வேலைகளுக்கான விபரங்களை ஏற்கனவே அறிவித்திருந்தமை குறிப்பிடத்தக்கது.
இது சம்பந்தப்பட்ட விபரங்கள் அடங்கிய உத்தியோகபூர்வ அறிக்கையானது எமது 'அறிவித்தல் ' பகுதியில் இணைக்கப்பட்டுள்ளது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
