வல்வை விளையாட்டுக்கழகம், வல்வை ஆதிசத்தி விளையாட்டுக்கழகங்கள் உதைபந்தாட்ட போட்டியில் வெற்றி

வல்வை நெடியகாடு இளைஞர் விளையாட்டுக்கழகத்தின் 60 வது ஆண்டு விழாவை முன்னிட்டு வல்வை நெடியகாடு இளைஞர் விளையாட்டுக்கழகத்தினால் நடாத்தப்படுகின்ற உதைபந்தாட்ட தொடரின் முதலாவது போட்டிகள் இன்று வல்வை நெடியகாடு இளைஞர் விளையாட்டுக்கழக மைதானத்தில் நடைபெற்றது . 

 

முதலாவது போட்டியில் வல்வை விளையாட்டுக்கழகத்தை எதிர்த்து கரவெட்டி நவசத்தி விளையாட்டுக்கழகம் மோதியது. இந்த ஆட்டத்தில் வல்வை விளையாட்டுக்கழகம்  3: 0 என்ற கோல்கணக்கில் வெற்றியீட்டியது. வல்வை அணி சார்பில் ரசிகரன் 2 கோல்களையும், சண்முகதாஸ் 1 கோல்களையும் அடித்தனர். வல்வை அணியின் புதிய  உதைபந்தாட்ட சீருடை இன்றைய போட்டியின் போது அறிமுகப்படுத்தப்பட்டது .  இந்த  உதைபந்தாட்ட  சீருடையை வல்வை விளையாட்டுக்கழகத்தின் உறுப்பினரான திரு . பா. கார்த்திகேயன் (அவுஸ்திரேலியா ) அவர்களினால் அன்பளிப்பு செய்யப்பட்டது. 

 

இரண்டாவது போட்டியில் வல்வை ஆதிசத்தி விளையாட்டுக்கழகத்தை எதிர்த்து தொண்டைமனாறு ஒற்றுமை விளையாட்டுக்கழகம் மோதியது. இந்த ஆட்டத்தில் வல்வை ஆதிசத்தி விளையாட்டுக்கழகம் 4 : 0 என்ற கோல்கணக்கில் வெற்றியீட்டியது.