பிரபல திரைப்பட இயக்குநரும் நடிகருமான மணிவண்ணன் மாரடைப்பால் மரணம்
பிரசுரிக்கபட்ட திகதி: 15/06/2013 (சனிக்கிழமை)
பிரபல தமிழ் திரைப்பட இயக்குனரும், நடிகருமான மணிவண்ணன் மாரடைப்பால் இன்று சென்னையில் காலமானார். இவருக்கு வயது 59.
தமிழகத்தின் கோவையைச் சேர்ந்த மணிவண்ணன் 400க்கும் மேற்பட்ட படங்களில் நடித்துள்ளார். பாரதிராஜாவிடம் உதவி இயக்குநராகவும், கதாசிரியராகவும் வசனகர்த்தாவாகவுமாக இருந்த மணிவண்ணன் கோபுரங்கள் சாய்வதில்லை என்ற படத்தை முதலில் இயக்கினார்.
நூறாவது நாள், இங்கேயும் ஒரு கங்கை, ஜல்லிக்கட்டு, சின்ன தம்பி பெரிய தம்பி, இருபத்து நான்கு மணி நேரம் உள்ளிட்ட பல வெற்றிப் படங்களையும் அவர் இயக்கியுள்ளார்.
திரு.மணிவண்ணன் இயக்கத்தில் உருவான ஐம்பதாவது படமான நாகராஜசோழன் எம்.எல்.ஏ. அண்மையில்தான் வெளிவந்திருந்ததென்பது குறிப்பிடத்தக்கது.
தமிழ் திரையுலகைச் சேர்ந்த தமிழ் உணர்வாளர்களில் ஒருவரான திரு.மணிவண்ணனுக்கு மனைவியும், மகனும், ஒரு மகளும் உள்ளனர்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
