ஆதிசக்தி முன்பள்ளியின் வருடாந்த விளையாட்டுப் போட்டி இன்று நடைபெற்றது
பிரசுரிக்கபட்ட திகதி: 05/07/2013 (வெள்ளிக்கிழமை)
வல்வை ஆதிசக்தி முன்பள்ளியின் 26ம் ஆண்டு நிறைவையொட்டி பாலகர்களின் விளையாட்டுப்போட்டி இன்று பிற்பகல் 0300 மணியளவில், வல்வை சிதம்பராக்கல்லூரி மைதானத்தில் நடைபெற்றது.
இந்நிகழ்விற்கு திரு S. சுதாகர் (தலைவர் ஆதிசக்தி சனசமூக நிலையம்) தலைமையேற்று நடாத்த, சிறப்பு விருந்தினர்களாக திரு A. சிவநாதன் (அதிபர் வல்வை சிவகுரு வித்தியாசாலை), திரு. Dr .K . மயிலேறும்பெருமாள் (வல்வை ஒன்றியத்தலைவர்), திரு K .நிஷாந்தன் (J/388 கிராம அலுவலகர்) ஆகியோரும், மற்றும் கெளரவ விருந்தினர்களாக திரு.T சிவஞானம் (ஒய்வு பெற்ற உதைப்பந்தாட்ட வீரர்), திரு.K .தர்மகுலசிங்கம் (வல்வை முத்துமாரியம்மன் தர்மகர்த்தாசபை தலைவர்), திரு M.ஞானரத்தினம் (வல்வை ஆதிவைரவர் தேவஸ்தான தலைவர்) ஆகியோர் கலந்து கொண்டு சிறப்பித்திருந்தனர்.
இவ்விளையாட்டுப்போட்டியின் விருந்தினர்களை வல்வை ஆதிசக்தி முன்பள்ளி பாலர்கள் பாண்ட் வாத்திய அணிவகுப்புடன் வரவேற்றிருந்தனர். நிகழ்வில் பாலர்களின் பல்வேறு விதமான விளையாட்டுக்கள் மற்றும் விநோத உடைநிகழ்வுகள் நடைபெற்றன.
இறுதியாக விருந்தினர் உரையை அடுத்து பாலர்களுக்கான பரிசில்கள் வழங்கப்பட்டது.
இவ்விளையாட்டுப் போட்டியை கண்டுகளிக்க பாலகர்களின் பெற்றோர்கள், சிறுவர்கள் உட்பட்ட பலர் கலந்துகொண்டு சிறப்பித்திருந்தனர்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
