வட இந்து கல்லூரியில் நடைபெற்ற மாணவர்கள் மற்றும் ஆசிரியர்களுக்கான கௌரவிப்பு நிகழ்வு
பிரசுரிக்கபட்ட திகதி: 24/07/2013 (புதன்கிழமை)
வடமராட்சி கல்வி வலயத்தினால் நடாத்தப்பட்ட பௌர்ணமி தின நிகழ்வில் க.பொ.த(சா/த) பரீட்சையில் விசேட(9A) சித்தி பெற்ற வடமராட்சிப் பாடசாலை மாணவர்களும், வலயமட்டத்தில் பாடரீதியாக அதியுயர் சித்திவீதத்தனைப் பெற்ற பாடசாலைகளின் பாட ஆசிரியர்களும், கௌரவிக்கும் நிகழ்ச்சி வட இந்துக் கல்லூரியில் கடந்த 22.07.2013 அன்று நடைபெற்றது.
இந்நிகழ்வில் வடமாகாண கல்வியமைச்சரின் செயலாளர் திரு.சத்தியசீலன் அவர்களும், வடமாகாணக் கல்விப் பணிப்பாளர் திரு.செல்வராஜா அவர்களும், வடமராட்சி கல்வி வலயப் பணிப்பாளர், பிரதிக்கல்விப் பணிப்பாளர்கள், வடமராட்சி வலயப் பாடசாலை அதிபர்கள், ஆசிரியர்களும், கலந்து கொண்டனர்.
இந்நிகழ்வில் வல்வை சிவகுரு வித்தியாசாலை மாணவி கணேசலிங்கம் கேசவி அவர்கள் கௌரவிக்கப்பட்டார். ஹாட்லிக்கல்லூரி 04 மாணவர்கள், மெதடிஸ் பெண்கள் உயர்தர பாடசாலை 04 மாணவர்கள், நெல்லியடி மத்திய மகா வித்தியாலயம் 03 மாணவர்கள், வட இந்துக் கல்லூரி 05 மாணவர்கள், வடமராட்சி மத்திய கல்லூரி 02 மாணவர்கள், உடுப்பிட்டி மகளிர் கல்லூரி 01 மாணவர்களும் கௌரவிக்கப்பட்டனர்.
வல்வை சிவகுரு வித்தியாசாலை வரலாற்றுப் பாடத்தில் அதியுயர் சித்திவீதத்தனைப் பெற்றமைக்காக பாட ஆசிரியர் திரு.சி.கிருஷ்ணகுமார் அவர்களும், தமிழ்ப் பாடத்திற்காக ஹாட்லிக்கல்லூரி ஆசிரியரும், இந்து சமய பாடத்திற்காக மெதடிஸ் பெண்கள் உயர்தர பாடசாலை ஆசிரியரும், கிறிஸ்தவ பாடத்திற்காக தும்பளை சிவப்பிரகாச வித்தியாலய ஆசிரியரும், கணிதம், விஞ்ஞான பாடங்களிற்காக வடமராட்சி மத்திய கல்லூரி ஆசிரியரும், ஆங்கில பாடத்திற்காக நெல்லியடி மத்திய மகா வித்தியாலயம் ஆசிரியரும், கௌரவிக்கப்பட்டனர்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
Ram (CWN) (UK)
Posted Date: July 25, 2013 at 18:34
வடமராட்சி கல்வி வலயத்தால் கௌரவிக்கபட்ட சிவகுரு பாடசாலை மாணவி, ஆசிரியர் இருவரும் எங்களூரிலும் கௌரவிக்கப்பட வேண்டும். அவர்களின் முயற்சி உழைப்பு ஏனைய மாணவர் ஆசிரியர்களுக்கு ஓர் ஊக்கத்தை அளிக்க உதவும். இந்த செய்தியை வெளியிட உதவிய ஊடக குழுவினருக்கு நன்றி.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
