கம்பர்மலை யங்கம்பன்ஸ் விளையாட்டுக்கழகம் நடாத்தும் உதைப்பந்தாட்டச் சுற்றுப் போட்டி - உடுப்பிட்டி யூத் விளையாட்டுக்கழகம் வெற்றி
பிரசுரிக்கபட்ட திகதி: 07/08/2013 (புதன்கிழமை)
கம்பர்மலை யங்கம்பன்ஸ் விளையாட்டுக்கழகம் நடாத்தும் அணிக்கு 7 நபர் கொண்ட உதைப்பந்தாட்டச் சுற்றுப் போட்டியின், ஆரம்ப போட்டி இன்று மாலை கம்பர்மலை யங்கம்பன்ஸ் விளையாட்டுக்கழக மைதானத்தில் இடம்பெற்றது.
முதல் போட்டியில் வல்வை விளையாட்டுக்கழகத்தை எதிர்த்து உடுப்பிட்டி யூத் விளையாட்டுக்கழகம் மோதியது. ஆரம்பம் முதலே தமது ஆதிக்கத்தை வெளிப்படுத்திய உடுப்பிட்டி யூத் விளையாட்டுக்கழகம் முதல் பாதியிலேயே ஒரு கோலினை பெற்று முன்னிலையில் இருக்க இரண்டாம் பாதியில் வல்வை அணி ஒரு கோலினை பெற போட்டி சமநிலையை அடைந்தது.
அத்துடன் உடுப்பிட்டி யூத் விளையாட்டுக்கழகம் இரண்டாம் பாதியில் மேலும் ஒரு கோலினைப் பெற்று தமது வெற்றியினை உறுதிப்படுத்திக் கொள்ள, ஆட்ட முடிவில் உடுப்பிட்டி யூத் விளையாட்டுக்கழகம் 2:1 என்ற கோல் கணக்கில் வெற்றி பெற்று அடுத்த சுற்றுக்கு முன்னேறியுள்ளது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
