இன்று காலை இடம்பெற்ற பார்வையாளர் போட்டிகள் - வல்வை ரெயின்போ வி.கழக 71 வது ஆண்டு
பிரசுரிக்கபட்ட திகதி: 07/09/2013 (சனிக்கிழமை)
வல்வெட்டித்துறை ரெயின்போ விளையாட்டுக் கழகத்தின் 71 வது ஆண்டை முன்னிட்டு, அவ்விளையாட்டுக் கழகத்தினால் நடாத்தப்பட்டுவருகின்ற போட்டிகளின் வரிசையில் இன்று பார்வையாளருக்கான (வல்வை விளையாட்டுக் கழகத்துக்கு உட்பட்ட கழகங்களுக்கு உட்பட்ட) போட்டிகள் நடைபெற்றன.
போட்டிகளின் வரிசையில் மரதன் ஓட்டம், ஆண்கள் (12km), மரதன் ஓட்டம், பெண்கள் (5km), கண்கட்டி வாய்கட்டி ஓடும் வினோதமான சைகை ஓட்டம் என்பன இடம்பெற்றன.
ரெயின்போ விளையாட்டுக் கழக மைதான நுழை வாயிலில் சுமார் 07:00 மணியளவில் ஆரம்பித்திருந்த ஆண்களுக்கான 12Km மரதன் ஓட்டம், வல்வைச் சந்தி, தொண்டைமானாறு , பொக்கனை, உடுபிட்டி வழியாக மீண்டும் வல்வைச் சந்தியூடாக ஆரம்ப இடமான ரெயின்போ விளையாட்டுக் கழக மைதான நுழை வாயிலில் முடிவடைந்திருந்தது.
மேற்படி போட்டியில் வெற்றி பெற்றவர்களின் விபரம் பின்வருமாறு
1 ஆம் இடம் - செல்வன் கங்காதரன், சைனிங்க்ஸ் விளையாட்டுக் கழகம்
2 ஆம் இடம் - செல்வன் கண்ணன், இளங்கதிர் விளையாட்டுக் கழகம்
3 ஆம் இடம் - செல்வன் மதுசான், இளங்கதிர் விளையாட்டுக் கழகம்
பெண்களுக்கான 5m மரதன் ஓட்டம் ரெயின்போ விளையாட்டுக் கழக மைதான நுழை வாயிலில் ஆரம்பித்தது, வல்வைச் சந்தி, உடுபிட்டியைச் சென்றடைந்து மீண்டும் வல்வைச் சந்தியூடாக ஆரம்ப இடமான ரெயின்போ விளையாட்டுக் கழக மைதான நுழை வாயிலில் முடிவடைந்திருந்தது.
1 ஆம் இடம் - செல்வி நிரஞ்சனா, இளங்கதிர் விளையாட்டுக் கழகம்
2 ஆம் இடம் - செல்வி பவித்திரா, இளங்கதிர் விளையாட்டுக் கழகம்
3 ஆம் இடம் - செல்வி பிரேமலதா, ரேவடி விளையாட்டுக் கழகம்
இன்றைய போட்டியின் இறுதி நிகழ்வாக இரு நபர் கொண்ட கண்கட்டி வாய்கட்டி ஓடும் வினோதமான சைகை ஓட்டம் இடம்பெற்றது. இவ்வினோதமான போட்டியில் கண்கட்டப்பட்ட ஒருவர், வாய் கட்டப்பட்ட ஒருவரை தோள் மீது சுமந்து கொண்டு, சுமக்கப்படுபவரின் சைகை வழி ஓட வேண்டியிருந்தது.
மேற்படி போட்டியில் வெற்றி பெற்றவர்களின் விபரம் பின்வருமாறு,
(கண் கட்டப்பட்டவர்கள்)
1 ஆம் இடம் - செல்வன் கிருபாகரன், இளங்கதிர் விளையாட்டுக் கழகம்
2 ஆம் இடம் - செல்வன் கண்ணன், இளங்கதிர் விளையாட்டுக் கழகம்
3 ஆம் இடம் - செல்வன் ரொசான், ரேவடி விளையாட்டுக் கழகம்
நாளை இறுதி நிகழ்வுகள் கழக மைதானத்தில் பிற்பகல் 02:30 மணிக்கு நடைபெறும் என அறிவிக்கப்பட்டுள்ளது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
