இந்த வருட இறுதியிலிருந்து 6 ஆம், 7 ஆம் மற்றும் 8 ஆம் வகுப்புக்களையும் தொடங்க VEDA தொடர்ந்து முயற்சி

வல்வை கல்வி அபிவிருத்திச் சங்கமானது (VEDA - Valvai Educational Development Association) வல்வெட்டித்துறையில் தற்பொழுது தரம் 9 தொடக்கம் 11 வரையிலான தனியார் வகுப்புக்களை நடத்தி வருகின்றது. VEDA வை விரிவாக்கும் முயற்சியாகவும், வல்வை மாணவர்களின் தேவை கருதியும், VEDA எதிர்வரும் வருடத்திலிருந்து தரம் 6, 7, 8 ஆம் ஆண்டுகளுக்கான வகுப்புக்களையும் ஆரம்பிப்பதில் தொடந்து முயற்சித்து வருவதாக VEDA  தரப்பிலிருந்து தெரியவருகின்றது.

 

புதிய வகுப்புக்களை ஆரம்பிப்பதற்குத் தேவையான கொட்டகை மற்றும் தளபாடங்கள் செய்வதற்கான நிதியுதவி கோரி VEDA மேற்கொண்ட வேண்டுகோளையடுத்து பலர் உதவி புரிந்துள்ளனர். ஆனாலும் தொடர்ந்தும் 23 சோடி வாங்கில் மற்றும் மேசைகள் செய்வதற்குரிய நிதி தேவையுள்ளதாக VEDA தரப்பிலிருந்து தெரியவருகின்றது.

 

VEDA கடந்த 25 ஆம் திகதி பெற்றோர், ஆசிரியர்கள் மற்றும் மாணவர்கள் இடையேயான சந்திப்பை ஒன்றையும், மற்றும் VEDAவில் கல்வி பயின்று சித்தி பெற்ற க.பொ.த (சா/த) மாணவர்களையும் கௌரவித்திருந்தமை குறிப்பிடத்தக்கது.