வல்வை சிவகுரு வித்தியாசாலை வருடாந்த இல்ல மெய்வன்மைப் போட்டிகள் வரும் 9 ஆம் திகதி சனிக்கிழமை பிற்பகல் 01.30 மணிக்கு தீருவில் விளையாட்டுக்கழக மைதானத்தில், பாடசாலை அதிபர் திரு.சு.ஜெயானந்தகுமார் தலைமையில் நடைபெற்றது.
இவ் விளையாட்டுப் போட்டிக்கு முதன்மை விருந்தினராக திருமதி சுதர்சினி சிறிகாந்தன்(உதவிக் கல்விப் பணிப்பாளர் -கணிதம், வலயக் கல்வி அலுவலகம், வடமராட்சி) அவர்கள் கலந்து கொண்டு சிறப்பித்திருந்தார்.
மங்கள விளக்கேற்றல், கொடியேற்றல், தமிழ்த்தாய் வாழ்த்து மற்றும் பாடசாலைக் கீதத்துடன் போட்டிகள் ஆரம்பமாகியது. இவ் விளையாட்டுப்போட்டியில் ஆண்கள், பெண்களுக்கான அணிநடையினைத் தொடர்ந்து மாணவ மாணவிகளின் ஓட்டம், தடைதாண்டல், இல்ல அஞ்சலோட்டம், சிறுவர்கள் விளையாட்டு போன்ற விளையாட்டுக்களுடன் பழைய மாணவர்களுக்கான ஓட்டம், பெற்றோர்களிற்கான ஓட்டம் என்பனவும் நடைபெற்றிருந்தன.
விளையாட்டுக்களின் முக்கிய நிகழ்வாக மாணவ, மாணவிகளின் இசையும் அசைவும், வினோத உடைப் போட்டியும் நடைபெற்றிருந்தமை இங்கு குறிப்பிடத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
