பருத்தித்துறை உதைப்பந்தாட்ட லீக்கின் அனுமதியுடன், வல்வை விளையாட்டுக் கழகம் நடாத்தும் விலகல் முறையிலான உதைபந்து சுற்றுப் போட்டி தற்பொழுது வல்வெட்டிதுறையில் நடைபெற்று வருகின்றது.
பருத்தித்துறை உதைப்பந்தாட்ட லீக்சில் பதிவு செய்யப்பட்டுள்ள 32 விளையாட்டுக்கழக அணிகள் பங்குகொள்கின்றன. குறித்த போட்டிகள் வேவில் பகுதியில் அமைந்துள்ள வல்வை ரெயின்போ விளையாட்டுக் கழக மைதானத்தில் பிற்பகல் சுமார் 03:30 மணியளவில் நடைபெற்றது.
இதன் வரிசையில் இன்று பிற்பகல் நடைபெற்ற ஆட்டத்தில் சக்கோட்டை சென்சேவியர் விளையாட்டுக்கழகத்தை எதிர்த்து மணல்காடு சென் அன்ரனிஸ் விளையாட்டுக்கழகம் மோதவிருந்தது. இந்த ஆட்டத்திற்கு மணல்காடு சென் அன்ரனிஸ் விளையாட்டுக்கழகம் சமூகமளிக்காத காரணத்தால் வெற்றி வாய்ப்பு சக்கோட்டை சென்சேவியர் விளையாட்டுக்கழகத்திற்கு வழங்கப்பட்டுள்ளது.
இதனைத் தொடர்ந்து சிநேகித பூர்வ உதைப்பந்தாட்டமாக, வல்வை விளையாட்டுக்கழகத்தை எதிர்த்து சக்கோட்டை சென்சேவியர் விளையாட்டுக்கழகம் மோதியது. இந்த ஆட்டத்தில் வல்வை விளையாட்டுக்கழகம் 4:2 என்ற கொள் கணக்கில் வெற்றி பெற்றது.
நாளை நடைபெறவுள்ள ஆட்டத்தில் வல்வை விளையாட்டுக்கழக A அணியை எதிர்த்து தொண்டைமானாறு ஒற்றுமை விளையாட்டுக்கழகமும் , பலாலி விண்மீன் விளையாட்டுக்கழகத்தை எதிர்த்து சமரபாகு நியூட்டன் விளையாட்டுக்கழகமும் மோதவுள்ளன.
இப் போட்டிகள் அனைத்தும் WELLWISH MEDICAL CENTER அனுசரணையுடன் இடம்பெற்று வருகின்றது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
