சுமார் 35 ஆண்டுகளுக்கு முன்னர் கிட்டதட்ட 74 -84 க்கிடையில் வல்வெட்டிதுறையிலிருந்து 'Cross World Navigation' என்ற சிங்கப்பூர் கம்பெனி கப்பல்களுக்கு Cadet ஆக போனவர்கள் பலர். இப்படி போவதற்கு முக்கிய காரணமாக அப்போது அந்த கம்பெனியின் முக்கிய நிர்வாகியாக இருந்த எமது ஊரைச் சேர்ந்த மணிவாசகம் அவர்களாக்கும். Cadet ஆக போடப்பட்டதைவிட மாலுமிகளாக போடப்பட்டவர்கள் மிக அதிகம். அப்படி அவர் உதவிகள் பலருக்கு செய்தபடியால், எமது ஊரில் இருந்து மேலும் பலர் அந்த தொழிலுக்கு போக காரணமாக அமைந்தது என்றே சொல்லலாம். அதனால் பல Captain கள் உருவாக்கப்பட்டனர். ஆனால் இன்று அப்படி Cadet ஆக வாய்ப்பு இல்லாமல் இருக்கிறார்கள். இது எனக்கு மனதில் ஒரு வருத்தமாகவே இருந்தது.
24.02.2012 அன்று எனது நண்பர் ஒருவரை பஸ்சில் பயணம் அனுப்பிவிட்டு வெள்ளவத்தை கடற்கரை ஓரமாக நானும் இன்னொருவர் தற்போது கப்பலில் Captainஆக இருப்பவர், இன்னும் ஒருவர் Doctor மற்றவர் அவர் தம்பி நால்வரும் வல்வையின் இன்றைய கல்வி பற்றியும் சிதம்பராவின் நிலை பற்றியும் பேசிக்கொண்டிருந்தபோது Captain ஏன் நீங்கள் Cadet ஆக உங்கள் செல்வாக்கை பயன்படுத்தி உங்கள் Company இல் சேர்க்கக்கூடாதா என்று கேட்ட போது அவர் சொன்ன பதில் என்னை யோசிக்க வைத்தது. என்னால் முயற்சிக்க முடியும் ஆனால் அதற்குரிய தகுதியில் யாரும் தற்போது இல்லை என்றார், என்ன தகுதி என்று கேட்டபோது A / L யில் கணிதம் மற்றும் ஆங்கிலம் இரண்டும் அவசியம் தேவை என்றார்.
அன்று இரவே என்னை யோசிக்க வைத்தது. உடனே அன்றே சிதம்பராவில் படிப்பிக்கும் ஒரு ஆசிரியரிடம் தொடர்புகொண்டு 6ம் ஆண்டு படிக்கும் மாணவர்களுக்கு Maths, English இரு பாடங்களும் பாடசாலை முடிய பாடசாலையிலே வைத்து பாடசாலை நிர்வாகம் சொல்லி கொடுப்பதற்கு அனுமதி கேட்டு வாங்கி தரும்படி கேட்கப்பட்டது. அதிபரும் அனுமதி கொடுத்துவிட்டார். ஆனால் வகுப்புக்கள் தொடங்க இரண்டு வாரம் எடுத்தது. 6ம் ஆண்டை தெரிவு செய்தனர் நோக்கம் நீண்டகாலம் Coach பண்ணி முன்னுக்கு கொண்டு வர வேண்டும் என்பதும், அவர்களை ஒழுங்குபடுத்துவதும் கட்டுப்பாட்டில் வைத்திருப்பதும் இலகுவாக இருக்கும் என்பதும் காரணம் ஆகும். இந்த வகுப்பு ஆரம்பிக்கப்பட்டதன் பின்னணி இதுதான் . தற்செயலாக நடந்த உரையாடலில் பேசப்பட்டபோது நடந்த விடயங்கள் சிந்தனையை தூண்டியதால் உடனடியாக என்னால் முடிவெடுக்கப்பட்டு தொடங்கப்பட்டது. என்னுடைய முழுக்கவனமும் இலக்குதான். Maths, English இல் தேர்ச்சி அடைய வேண்டும் என்பதுதான் வேறு ஒன்றுமில்லை.
இந்த வகுப்பில் பெண்கள், ஆண்கள் உட்பட 34 பேர் படிக்கிறார்கள். ஆனால் இந்த வகுப்பிற்கு வருபவர்கள் கிட்டதட்ட 22 பேர்தான். அனைவரும் வெவ்வேறு Tution இல் படிப்பதால் எங்களால் Maths இல் 2, English 2 வகுப்புக்கள் மட்டும் நடத்த கூடியதாக இருக்கிறது. தற்போது திறமையானவர்களை ஒரு பிரிவாகவும், மேலும் திறமையடைய வேண்டியவர்களை இன்னொரு பிரிவாகவும் பிரிக்கப்பட்டுள்ளது. Maths, English இல் தேர்ச்சி அடைய வைக்கலாம் என்ற நோக்கத்துடன் தொடங்கப்பட்டாலும், 2017 இல் O/L exam இவர்கள் எடுக்கும்போது இவர்களை நல்ல result எடுக்கவைக்கலாம் என்று தற்போது எனக்கு தோன்றுகிறது. அது சிதம்பாரவுக்கு record ஆக இருக்க வேண்டும் என்று விருப்பப்படுகிறேன். இவர்களிடம் அதற்குரிய முழுமுயற்சியை இரு வருடங்களின் பின் காட்டுவேன். அதற்கு நானும் இவர்களுடன் இருந்து பாடுபடவேண்டும் .
இரு வருடங்களின் பின் நானும் வேறு ஒரு கல்வி செயற்பாடு திட்டத்திற்காக ஊரோடு இருக்க வேண்டும். (அந்த செயல் திட்டம் பற்றி பின்னர் அறியத்தரலாம்). அப்போது முழுமையாக கவனிக்கப்படுவார்கள். சில மாணவ , மாணவிகள் இப்படித்தான் வர வேண்டும் என்ற இலட்சியத்துடன் ஆற்றல் உள்ளவர்களாக இருக்கிறார்கள். நிச்சியமாக அவர்களை நல்ல முறையில் வழி நடத்துவேன். அதற்கு முக்கியமாக பெற்றோர் ஒத்துழைப்பு கொடுக்க வேண்டும். அது இல்லாவிட்டால் எல்லாமே சிரமமாகி விடும்.
தற்போது நடத்தப்படும் இவ்வகுப்புக்களாக கணிதம், ஆங்கிலம் இரு பாடங்களுக்கும் தனித்தனியாக இரு ஆசிரியர்களும் வரவுகளை பார்ப்பதற்கு ஒருவரையும் நியமிக்கப்பட்டுள்ளது. இடையிடையே பரீட்சை வைக்கப்பட்டு புள்ளிகள் வழங்கப்படுகிறது. வாரம் வாரம் வரவுகள் பற்றிய தகவல்கள் எனக்கு அறியத்தருகின்றனர். வரவு,புள்ளி, முறைப்பாடு ஏதும் வந்தால் அதுபற்றி அவ்வப்போது மாணவர், அவர்கள் பெற்றோர் உடன் கதைத்து மாணவர்களை கவனிக்கக்கூடியதாக இருக்கிறது. எல்லோருடைய தொலைபேசி இலக்கங்களும் என்னிடம் உள்ளது.
கடல் கடந்து இருந்தாலும் எடுத்த வேலையை மனதிற்கு திருப்தியான முறையில் சரியாக செய்ய வேண்டும் என்பதில்முடிந்தவரை உறுதியாக செயல்படுகிறேன். தரம் 3ல் ஆண்டில் படிப்பவர்களின் பெற்றோரை அவர்கள் வீட்டிலேயே சந்தித்து பேசி தரம் 3ற்கும் பாடசாலை முடிந்தவுடன் ஒரு மணிநேரம் வாரம் இருமுறை பாடசாலையில் வகுப்பு நடைபெறுகிறது. இவர்களுக்கு தற்போது எதுவும் படிப்பிக்கபடவில்லை எழுத்து உறுப்புக்களை சரிவர எழுதுவிப்பதில் மட்டும் கவனம் செலுத்தப்படுகிறது. அது மிகமுக்கியமானதாக இருக்கின்றது.
ஏனெனில் தற்போது 6ல்ஆண்டில் படிப்பவர்களின் பலருடைய எழுத்துகள் மோசமாகவே உள்ளது. ஒரு விடயத்தை குறிப்பிட மறந்தவிட்டேன். தரம் 6 இல் படிப்பவர்களின் எல்லோருடைய வீடுகளுக்கும் சென்று பெற்றோர் , மாண வர்களுடன் கதைத்துள்ளேன். அங்கே அவர்களுக்கு படிப்பதற்குரிய சூழ்நிலைகளை எல்லாம் கவனித்துள்ளேன். பலருடைய வீட்டில் ஒவ்வொரு நாளும் ஆங்கிலம்,தமிழ் எழுத்து பார்த்து எழுதி வைக்க வேணும் என்றும் நான் ஒருமாதம் கழித்தும் வரலாம், இரண்டு மாதம் கழித்தும் வந்து பார்ப்பேன் என்று சொல்லியிருந்தேன். இது முக்கியமாக பெற்றோர் பிள்ளைகளை கவனிக்கிறார்களா என்பதை அறிய சொல்லிவிட்டு வந்தேன்.
ஆனால் திரும்பி போய் பார்க்கிறபோது , சிலர் சுத்தமாக எழுதவில்லை, சிலர் ஒன்றிரண்டு நாள் மட்டும் எழுதி உள்ளனர். எங்கே குறைபாடு இருக்கிறது என்பதை நீங்களே தெரிந்து கொள்ளுங்கள். மாணவர்களை மட்டுமல்ல பெற்றோர்களையும் வழிநடத்த வேண்டிய காலகட்டத்தில் இருக்கின்றோம். இது கடிமையான முயற்சி பல சவால்களையும், சோதனைகளையும், வேதனைகளையும் சந்திக்க வேண்டி வரும். சிலகசப்பான அனுபவங்களால் பலர் பொதுவாழ்விலிருந்து ஒதுங்கியே விட்டார்கள். அவர்களாக ஒதுங்கவில்லை எமது சமுதாயம் ஒதுக்கிவைத்துவிட்டது. அதனால் யாரும் பொது வேலை என்றாலே முன் வருவதில்லை.
வல்வை மாணவர்களின் கல்வியின் தரத்தை உயர்த்தி படித்த சமுதாயத்தை உருவாக்குவதன் மூலம்தான் எமது ஊரில் மாற்றங்களை கொண்டு வரலாம். என்னைப்போல் ஆர்வம் உள்ளவர்கள் கல்வியின் தரத்தை உயர்த்த முன் வரவேண்டும். உலகின் எந்த மூலையிலாவது இருந்து கொண்டு புனரமைத்தல்,கட்டுமானம் போன்றவற்றை செய்ய முடியும் இது போற்றப்படவேண்டியதுதான். ஆனால் கல்வியின் தரத்தை உயர்த்துவதற்கு மிகமிக கடினமாக உழைக்க வேண்டும், ஊரில் இருந்து வேலை செய்ய சரியானவர்கள் இருக்க வேண்டும். இதற்கு முன் எடுக்கப்பட்ட பல முயற்சிகள் தோல்வியில் முடிந்தவற்றுக்கு அவைதான் காரணம். யாரையும் குறைசொல்வதற்காக எழுதவில்லை, யதார்த்தத்தை சொல்கிறேன்.
ஊருக்கு உதவி செய்ய வேணும் என்று செயல்படுவார்கள் நன்றியுடன் பாராட்டப்படவேண்டும் . ஆனால் அவர்கள் உழைப்புக்கள் பயனற்றதாக , வீணாக போகக்கக்கூடாது என்பது எனது கருத்து. பளபளப்பாகவும், மினுமினுப்பாகவும் வைத்திருக்கவேண்டும் என்று செயல்பட்டால், கல்வியின் தரம், ஒழுக்கம் உயராது. கற்பிப்பவர்களை கற்பிக்க தட்டிக்கொடுக்கவேண்டும் அல்லது நாங்கள் கற்பிக்க ஏற்பாடு செய்வதன் மூலம்தான் ஒழுக்கமான கல்வியை வளர்க்க முடியும். இந்த மாதிரி விடயங்களில் கவனம் செலுத்தினால், நிச்சயமாக மாற்றங்கள் வந்து கொண்டிருக்கும்.
சிவகுருவித்தியாசாலையில் பழைய மாணவர் சங்கத்தினால் தற்போது compain study சேர்ந்து படித்தல் மாலை நேரத்தில் சிவகுருவித்தியாசாலையில் செய்கிறார்கள். இனிமேல் கீழ் வகுப்புகளுக்கு ஆங்கில பாடம் சொல்லி கொடுக்க இருப்பதாகவும் அறிகிறேன். குட்டிமணி அண்ணா அவர்களும், தன்னுடைய வீட்டில் Study Center வைத்து செயல்படுத்தி கொண்டு இருக்கிறார். Veda Tuition என்பதை London இல் உள்ள சிலர் நடத்தி கொண்டிருக்கின்றனர். அவை நல்ல முயற்சி இதுமாதிரியான முயற்சிகள் எடுக்கப்பட்டால்தான் மாற்றங்கள் வரும். இப்படி உழைப்பவர்களுக்கு சமுதாயம் ஒத்துழைப்பை கொடுத்து மேலும் நல்ல செயல்திட்டங்களை செய்ய ஊக்குவிக்க வேண்டும்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
