வல்வை ஊக்குவிப்பு குழு இளைஞர்களால் வல்வைக்கு உட்பட்ட கழகங்களுக்கிடையேயான கிரிக்கெட் மற்றும் கரப்பந்தாட்டப் போட்டிகள் நேற்றைய தினம் மாலை நடாத்தப்பட்டது.
கிரிக்கெட் சுற்றுத் தொடர்
முதலில் வல்வை ரெயின்போ விளையாட்டுக் கழக மைதானத்தில் நடைபெற்ற கிரிக்கெட் சுற்றுத் தொடரில் வல்வை உதயசூரியன் கழகமும் வல்வை ரெயின்போ விளையாட்டுக் கழகமும் மோதின, இப் போட்டியில் வல்வை ரெயின்போ விளையாட்டுக் கழகம் வெற்றி பெற்றது. அடுத்த போட்டியில் வல்வை சைனிங்ஸ் விளையாட்டுக் கழகமும் வல்வை ரேவடி விளையாட்டுக் கழகமும் மோதின, இப் போட்டியில் வல்வை சைனிங்ஸ் விளையாட்டுக் கழகம் வெற்றி பெற்றது. லீக் முறையிலமைந்த கிரிக்கெட் போட்டிகளானது இன்றும் நாளையும் நடைபெறும் என எதிர்பார்க்கப்படுகிறது.
கரப்பந்தாட்டப் போட்டி
இப் போட்டிகள் முடிந்தவுடன் வல்வை பொது விளையாட்டு அரங்கில் கரப்பந்தாட்டப் போட்டிகளானது மாலை 7.30 மணியளவில் மின்னொளியில் ஆரம்பமாகின. லீக் முறையிலமைந்த போட்டிகளின் முடிவில் வல்வை சைனிங்ஸ் விளையாட்டுக் கழகம், வல்வை ரேவடி விளையாட்டுக் கழகம், வல்வை நேதாஜி இளைஞர் விளையாட்டுக் கழக A அணி மற்றும் வல்வை நேதாஜி இளைஞர் விளையாட்டுக் கழக B அணி என்பன அடுத்தகட்ட அரையிறுதிப் போட்டிகளுக்கு தெரிவாகியுள்ளன.
இறுதிப் போட்டிகள் இன்று பொது விளையாட்டு அரங்கில்
இவ் அரையிறுதிப் போட்டிகளானது இன்று மாலை 7.00 மணியளவில் வல்வை பொது விளையாட்டு அரங்கில் மின்னொளியில் நடை பெறவுள்ளன. கரப்பந்தாட்ட போட்டிகளின் இறுதியில் பரிசில்களும் வெற்றி கிண்ணங்களும் வழங்கப்படவுள்ளன.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
