இன்றைய நாளில் - இலங்கை உள்நாட்டுப்போரின் முதலாவது தற்கொலைத்தாக்குதல்

இன்றைய நாளான 1987 ஆம் ஆண்டு யூலை மாதம்  5 ஆம் திகதி அன்று யாழ் வடமராட்சியில் அமைந்துள்ள நெல்லியடி மத்திய மகா வித்தியாலத்தில் அமைக்கப்பட்டிருந்த இலங்கைப் படைத்தளம் மீது தற்கொலைத் தாக்குதல் ஒன்று மேற்கொள்ளப்பட்டது. இலங்கையில் இடம்பெற்ற உள்நாட்டுப் போரில் தமிழீழ விடுதலைப் புலிகளால் மேற்கொள்ளப்பட்ட முதலாவது தற்கொலைத் தாக்குதல் இதுவாகும்.

 

யாழ்ப்பாணம், துன்னாலையைப் பிறப்பிடமாகக் கொண்ட 'மில்லர்' என அழைக்கப்பட்ட, வல்லிபுரம் வசந்தன் என்பவரே இவ்வாறாக தற்கொலைத் தாக்குதலை மேற்கொண்ட விடுதலைப் புலிகள் உறுப்பினர் ஆவார். மில்லர் பருத்தித்துறை ஹாட்லிக் கல்லூரியின் பழைய மாணவர் ஆவார். 

 

'1987 ஆம் ஆண்டு மே மாதம் 27 ஆம் திகதி அன்று, விடுதலைப் புலிகளின் கட்டுப்பாட்டில் இருந்த வடமராட்சிப் பிரதேசத்தை ''ஒபரேஷன் லிபரேசன் என்னும் இராணுவ நடவடிக்கை மூலம் இலங்கை இராணுவத்தினர் கைப்பற்றியதைத் தொடர்ந்தே குறித்த தற்கொலைத் தாக்குதல் மேற்கொள்ளப்பட்டது.