வட மாகாணத்தில் மிகச் சிறந்த சேவையை வழங்குகின்ற மனவிருத்திப் பாடசாலையாக, கோண்டாவில் சிவபூமி பாடசாலை தெரிவு செய்யப்பட்டுள்ளது.
வடக்கு மாகாணத்தில் இயங்குகின்ற மாற்றுத்திறனாளிகள் பாடசாலைகளுக்கு இடையிலான திறன்சார் போட்டியில், கோண்டாவில் சிவபூமி பாடசாலை அதிகூடிய புள்ளிகளைப் பெற்று முதலாம் இடத்தைப் பெற்றுக் கொண்டது.
பிறப்பில் ஏதோ ஒரு இயலாமையுடன் பிறந்த தெய்வ குழந்தைகளை அரவணைத்து அவர்களுக்கு மொழி ஆற்றலையும், சுயதொழில் சார் ஆற்றலையும் விருத்தி செய்ய வேண்டும் என்ற தூய எண்ணத்துடன் ஆரம்பிக்கப்பட்ட இவ் பாடசாலை, இன்று ஆன்மிகம், விளையாட்டு, கல்வி, சுயதொழில் மற்றும் மொழி அற்றல்களை தெய்வக் குழந்தைகளுக்கு வழங்குகின்ற, மிக உயர்ந்த பணியை மிகவும் சிறப்பாக மேற்கொண்டு வருகின்றது.
பிறப்பிலேயே மனவளர்ச்சிக் குறைபாட்டுடன் பிறந்த எம் இனிய குழந்தைகளை ஆற்றுப்படுத்தும் நோக்கில் வைத்தியகலாநிதி. ச. குகதாசன் தம்பதிகளின் உறவினரான, லீலாவதி சுப்ரமணியம் குடும்பத்தவர்களினால் அன்பளிப்பாக வழங்கப்பட்ட காணியில் 2013ம் ஆண்டு ஆவணி சதுர்த்தி நன்னாளில் அடிக்கல் நாட்டப் பெற்றது.
வெளிநாட்டிலும் உள்நாட்டிலும் வசித்துவரும் நல்லுள்ளம் கொண்ட எமது உடன்பிறப்புகளின் நிதி உதவியுடனும் சேவை மனப்பான்மை கொண்ட அன்பர்களின் கூட்டு முயற்சியாலும் 02.07.2004 இல் 12 மனவளர்ச்சி குன்றிய சிறுவர்களுடன் ஆரம்பித்து வைக்கப்பட்ட சிவபூமி பாடசாலை இன்று இக்குறுகிய காலப்பகுதியில் 302 மனவளர்ச்சிகுன்றிய பிள்ளைகளை உள்வாங்கி அவர்களுக்கான கல்வியை ஊட்டி எமது சமுதாயத்தில் ஏனைய சிறுவர்களைப்போல் சுதந்திரமுடனும் கௌரவத்துடனும் வாழவைக்கும் இந்த இனிய இறைபணியை வெற்றிகரமாக முன்னெடுத்து.
கடந்த காலங்களில் மாவட்ட, மாகாண மற்றும் தேசிய ரீதியில் பல விருதுகளை இந்தப் பாடசாலை பெற்றுக் கொண்டுள்ளது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
