வல்வை கழுகுகள் வி .க இன் 50 வது ஆண்டை முன்னிட்டு நடாத்தப்பட்ட மென்பந்தாட்ட சுற்றுபோட்டியின் இறுதிஆட்டம் இன்று நெற்கொழு மைதானத்தில் நடைபெற்றது

வல்வை கழுகுகள் வி . கழகத்தின் 50 வது ஆண்டு நிறைவை முன்னிட்டு நடாத்தப்பட்ட மென்பந்தாட்ட சுற்றுபோட்டியின் இறுதிஆட்டம் இன்று (சனிக்கிழமை) நெற்கொலு மைதானத்தில் நடைபெற்றது. இந்த இறுதியாட்டம் 20 பந்துபரிமாற்றத்தினை (Overs) கொண்டது.

வழமைக்கு சற்று மாறாக இந்த பந்துபரிமாற்றம், இறுதியாட்டத்தில் நடைமுறைபடுத்தப்பட்டது. அதாவது முதலில் துடுப்பாட்டத்தை தெரிவு செய்யும் அணி முதல் 10 Overs துடுப்பெடுத்தாடும் பின் எதிர் அணி அடுத்த 10 Overs துடுப்பெடுத்தாடும் பிறகு முதலில் ஆடிய அணி மீதமுள்ள 10 Overs துடுப்பெடுத்தாடி எதிர் அணிக்கு வெற்றி இலக்கை நிர்ணயிக்கும். பின் எதிர் அணி 10 Overs களில் வெற்றிக்காக துடுப்பெடுத்தாடும்.

இன்று நடைபெற்ற இறுதியாட்டத்தில் மாலுசந்தி மைக்கல் வி . கழகத்தை எதிர்த்து கரவெட்டி ஞானம் வி .கழகம் மோதியது. நாணய சுழற்சியில் வெற்றிபெற்ற மைக்கல் வி . கழக அணித்தலைவர் முதலில் துடுப்பெடுத்தாட தீர்மானித்தார். அதன்படி முதலில் துடுப்பெடுத்தாடிய மைக்கல் வி . கழகம் முதல் 10 Overs இல் 87 ஓட்டங்களை எடுத்தது. அடுத்து துடுப்பெடுத்தாடிய ஞானம் வி .கழகம் 10 Overs இல் 69 ஓட்டங்களை எடுத்தது. 18 ஓட்டங்கள் முன்னிலையுடன் இரண்டாவதாக துடுப்பெடுத்தாடிய மைக்கல் வி . கழகம் அடுத்த 10 Overs இல் 25 ஓட்டங்களை எடுத்தது. இறுதியாக 44 ஓட்டங்கள் ஞானம் வி .கழகத்திற்கு வெற்றி இலக்காக நிர்ணயிக்கப்பட்டது. அதன்படி இறுதி 10 Overs இல் 6 விக்கெட்டுக்களை இழந்து 4 விக்கெட்டுக்களினால் ஞானம் வி .கழகம் வெற்றியிட்டியது.

இந்த ஆட்டம் முடிவடைந்த பின் பெண்களுக்கான சிநேகபூர்வ 5 பந்துபரிமாற்றத்தை கொண்ட மென்பந்தாட்டபோட்டி நடைபெற்றது. இந்த ஆட்டத்தில் மாலுசந்தி மைக்கல் வி . கழகத்தை எதிர்த்து வல்வை கழுகுகள் வி . கழகம் மோதியது. முதலில் துடுப்பெடுத்தாடிய கழுகள் அணி 26 ஓட்டங்களை எடுத்தது. 27 ஓட்டங்களை எடுத்தால் வெற்றி எனும் இலக்குடன் களம் புகுந்த மைக்கல் அணி 1 விக்கெட்டினை இழந்து 4 விக்கெட்டினால் வெற்றியிட்டியது.