அரையிறுதி ஆட்டத்திற்கு உதயசூரியன், தீருவில், ரெயின்போ, சைனிங்க்ஸ் ஆகிய கழகங்கள் தெரிவு

வல்வை விளையாட்டுக் கழகத்தினால் நடாத்தப்படும், அமரர் பரஞ்சோதியப்பா மற்றும் அமரர் சந்திரமோகன் ஆகியோரின் ஞாபகார்த்த 9 நபர் கொண்ட லீக் முறையிலான உதைபந்தாட்ட சுற்றுப்போட்டியின், இன்றைய முதலாவது போட்டியில் உதயசூரியன் விளையாட்டுக்கழகத்தை எதிர்த்து ரேவடி ஐக்கிய இளைஞர் விளையாட்டுக்கழகம் மோதியது. இந்த ஆட்டத்தில் உதயசூரியன் விளையாட்டுக்கழகம் 1:0 என்ற கோல் கணக்கில் வெற்றி பெற்றுள்ளது.

இரண்டாவதாக நடைபெற்ற போட்டியில் தீருவில் விளையாட்டுக் கழகத்தை எதிர்த்து இளங்கதிர் விளையாட்டுக்கழகம் மோதியது. இந்த ஆட்டத்தில் இரு அணிகளும் ஒவ்வொரு கோலினைப் பெற்று சமநிலையில் முடிவடைந்தது.

இதுவரை நடைபெற்று வந்த லீக் முறையிலான ஆட்டங்கள் முடிவடைந்ததை தொடர்ந்து, அரையிறுதி ஆட்டங்கள் நடைபெறவுள்ளன. அரையிறுதி ஆட்டத்தில் உதயசூரியன் - தீருவில், ரெயின்போ - சைனிங்க்ஸ் தெரிவு செய்யப்பட்டுள்ளன.

போட்டிகள் வல்வெட்டித்துறை வேவில் பகுதியில் அமைந்துள்ள ரெயின்போ விளையாட்டுக்கழக மைதானத்தில் நடைபெறுகின்றது.