இந்திய மக்களவைத் தேர்தல் முடிவுகள் வெளியாகின: மோடி தலைமையிலான பாஜக அமோக வெற்றி!

கடந்த இரண்டு மாதங்களாக இந்தியா முழுதும் 7 கட்டங்களாக வாக்கெடுப்பு நடைபெற்று இன்று காலையிலிருந்து முடிவுகள் அறிவிக்கபட்ட வண்ணம் உள்ளன.ஏலவே கருத்து கணிப்புகள் மோடியை பிரதமர் வேட்பாளாராக கொண்ட பாஜகவே வெற்றி பெறும் என்று கூறியிருந்தாலும்,பாஜகவுக்கு இப்பிடியான ஓர் அமோக வெற்றியையும், காங்கிரசுக்கு மரண அடியையும் யாரும் எதிர்பாத்திருக்கவில்லை.

ஆட்சியமைக்க 273 ஆசனங்களே தேவையான நிலையில் பாஜக தனித்தே 285 ஆசனங்களை வென்றுள்ளது.பாஜகவின் பிரதமர் வேட்பாளார் நரேந்திர மோடி தான் போட்டியிட வாரணாசி,வதோரா தொகுதிகளில் வரலாறு காணாதளவு லட்ச கணக்கான வாக்கு வித்தியாசத்தில் வென்றுள்ளார். அதேவேளை பாஜகவின் ஏனைய தலைவர்களான அத்வானி,சுஷ்மா சுவாராஜ்,ராஜ்நாத் சிங், வெற்றி பெற்றுள்ள அதேவேளை அருண் ஜெட்லி பின்தங்கியுள்ளார்.சுயேற்சையாக போட்டியிட்ட ஜஸ்வந்த் சிங்யும் வெற்றி பெற்றுள்ளார்.

தமிழகத்தில் அதிமுக 39 ஆசனங்களில் 38ஐ கைப்பற்றி அமோக வெற்றி பெற்றுள்ளது.தமிழகத்தில் மட்டும்தான் ஜெயலலிதாவின் இருப்பு என்பதையும் அதிமுக தொண்டர்களின் அடுத்த பிரதமர் அம்மா என்ற கோசங்கள் வெறும் பேச்சுக்கு மட்டும்தான் என்பதையும் இத்தேர்தல் உணர்த்தியுள்ளது.

மொத்தத்தில் பாஜகவின் தேர்தல் பிரச்சார சுலோகமான "ABKI BAAR, MODI SARKAR" இம்முறை மோடி அரசாங்கம் என்று மோடி அலை இந்தியா முழுதும் அடித்துள்ளது.

இதற்கு முந்தைய தேர்தல் 2009ல் நடந்தபோது, இலங்கையில் இறுதி கட்ட போர் நடைபெற்று கொண்டிருந்த சமயம் உலகம் முழுவதும் உள்ள தமிழர்களால் இலங்கையின் அயல் தேசம் இந்தியாவின் தேர்தல் முடிவுகள் உற்று நோக்கபட்டிருந்தது. இம்முறை பெரியளவில் தேர்தல் முடிவுகளை அறிந்து கொள்வதில் ஆர்வம் காட்டாமையை அவதானிக்க கூடியதாகவிருந்தது.