இன்று யாழ்ப்பாணப் பொது நூலகம் தீக்கிரையாக்கப்பட்டு 35 ஆண்டுகள் நிறைவடைகின்றன. 1981 ஆம் ஆண்டு மே மாதம் 31 ஆம் திகதி இரவு அப்போதைய அரச ஆதரவுடன் செயற்பட்ட (State Sponsored Mob) குழுவினால் நூலகம் முழுமையாக தீக்கிரையாக்கப்பட்டது.
1933 ஆம் ஆண்டு அறிஞர் கே. எம். செல்லப்பா அவர்களின் தனிப்பட்ட நூல் சேகரிப்பாக ஆரம்பிக்கப்பட்ட யாழ்ப்பாணப் பொது நூலகம், பின்னர் தமிழ் இலக்கியம், வரலாறு மற்றும் பண்பாட்டு ஆவணங்களின் முக்கிய களஞ்சியமாக வளர்ச்சியடைந்தது.
1959 ஆம் ஆண்டு இந்தியக் கட்டிடக் கலைஞர் எஸ். நரசிம்மன் வடிவமைத்த புதிய கட்டிடத்தில் நூலகம் இயங்கத் தொடங்கியது. 1980களின் ஆரம்பத்தில், 97,000க்கும் மேற்பட்ட நூல்கள், அரிய ஓலைச்சுவடிகள் மற்றும் வரலாற்றுச் சான்றுகளை கொண்ட ஆசியாவின் மிகப் பெரிய நூலகங்களில் ஒன்றாக யாழ் நூலகம் விளங்கியது.
1981 ஆம் ஆண்டு மே 31 அன்று ஏற்பட்ட இன மற்றும் அரசியல் பதற்ற சூழலில், யாழ்ப்பாணப் பொது நூலகம் தீக்கிரையாக்கப்பட்டது. இந்தச் சம்பவத்தில் கிட்டத்தட்ட ஒரு இலட்சம் அரிய நூல்கள், ஓலைச்சுவடிகள் மற்றும் வரலாற்றுப் பதிவுகள் அழிந்தன. இது தமிழ் மக்களின் பண்பாட்டு மரபுக்கு ஏற்பட்ட மிகப் பெரிய இழப்பாகக் கருதப்படுகிறது.
பின்னர் அரசாங்கம், உள்ளூர் மற்றும் சர்வதேச நன்கொடையாளர்களின் பங்களிப்புடன் நூலகம் மீளக் கட்டப்பட்டு, 2004 ஆம் ஆண்டு பொதுமக்கள் பயன்பாட்டிற்காக மீண்டும் திறந்து வைக்கப்பட்டது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
